വരുന്ന ലോകസഭാ തെരഞ്ഞെടുപ്പില് കോണ്ഗ്രസ് പ്രസിഡന്റ് രാഹുല് ഗാന്ധിയ്ക്കെതിരെ അമേഠി മണ്ഡലത്തില് കേന്ദ്രമന്ത്രി സ്മൃതി ഇറാനി സ്ഥാനാര്ഥിയായേക്കുമെന്ന് റിപ്പോര്ട്ടുകള് . ശക്തമായ മത്സരം വഴി കഴിഞ്ഞ തെരഞ്ഞെടുപ്പിലെ പരാജയത്തിന് കനത്ത തിരിച്ചടി നല്കാനുള്ള ഉറച്ച തീരുമാനവുമായിട്ടാകും സ്മൃതി ഇറാനി മത്സരിക്കുക . ഇതിന്റെ ഭാഗമായി മണ്ഡലത്തിലെ പ്രവര്ത്തനം ശകതമാക്കിയിരിക്കുയാണ് സ്മൃതി .
കേന്ദ്രത്തിന്റെ പ്രതിശ്ചായ വാനോളം ഉയര്ത്തിയ സര്ജ്ജിക്കല് സ്ട്രൈക്കിനെ ആയുധമാക്കിയിരിക്കുകയാണ് കേന്ദ്രമന്ത്രി . ഇതിനായി സര്ജ്ജിക്കല് സ്ട്രൈക്ക് ആസ്പദമാക്കി നിര്മ്മിച്ച ഉറി – ദി സര്ജ്ജിക്കല് സ്ട്രൈക്ക് എന്ന ചലച്ചിത്രത്തിന്റെ പ്രത്യേക പ്രദര്ശനം നടത്തിയിരിക്കുകയാണ് കേന്ദ്രമന്ത്രി .
അമേഠി മണ്ഡലത്തില് സിനിമ പ്രദര്ശിപ്പിക്കുന്നത് അഭിമാനകരമായ നേട്ടമാണെന്നാണ് വീഡിയോ പോസ്റ്റ് ചെയ്തു കൊണ്ട് സ്മൃതി ഇറാനി പറഞ്ഞത് . ചിത്രം ആരംഭിക്കുന്നതിനു മുന്പ് വീഡിയോ കോള് വഴി അമേഠിയെ അഭിസംബോധനയും ചെയ്തു .
റിപബ്ലിക് ദിനം മുതലാണ് ഡിജിറ്റല് തിയേറ്റര് വഴി സ്മൃതി ഇറാനി ചിത്രം പ്രദര്ശിപ്പിച്ചത് . പണച്ചിലവ് ഇല്ലാതെ ശനിയാഴ്ച മുതല് മൊബൈല് തിയേറ്റര് വാന് വഴി അമേഠി മണ്ഡലത്തിലെ ജനങ്ങള് ചിത്രം കാണുന്നുണ്ട് . ഇതിനായി 21 പേര്ക്കിരിക്കാവുന്ന വാനാണ് ഉപയോഗിച്ചിരിക്കുന്നത് .
Discussion about this post