ഈടില്ലാത്ത കാര്ഷിക വായ്പകളുടെ പരിധി ഉയര്ത്തി റിസര്വ് ബാങ്ക് ഓഫ് ഇന്ത്യ . ഒരു ലക്ഷം രൂപയില് നിന്നും 1.60 ലക്ഷം രൂപയായിട്ടാണ് ഉയര്ത്തിയിരിക്കുന്നത് . ചെറുകിട കര്ഷകരെ സഹായിക്കുകയെന്ന ലക്ഷ്യമിട്ടാണ് ഇത്തരമൊരു നടപടി .
2010 ലാണ് ഈടില്ലാത്ത കാര്ഷിക വായ്പയുടെ പരിധി ഒരു ലക്ഷമാക്കി ഉയര്ത്തിയത് . കേന്ദ്രസര്ക്കാരിന്റെ ഇടക്കാല ബജറ്റില് ചെറുകിട കര്ഷകര്ക്ക് പ്രതിവര്ഷം 6000 രൂപയുടെ ധനസഹായം പ്രഖ്യാപിച്ചിരുന്നു . ഇതിന് പിന്നാലെയാണ് ആര്.ബി.ഐയുടെ തീരുമാനം . കാര്ഷിക ചിലവിലുണ്ടായ വര്ദ്ധനയും ഉയര്ന്ന പണപ്പെരുപ്പവും കണക്കിലെടുത്താണ് വായ്പാപരിധി 1.60 ലക്ഷമാക്കി ഉയര്ത്തിയതെന്ന് ആര്.ബി.ഐ അറിയിച്ചു .
ഇതിനു പുറമേ കാര്ഷിക വായ്പയില് അടക്കം മേഖലയുമായി ബന്ധപ്പെട്ടുള്ള വിവിധ പ്രശ്നങ്ങള് പരിശോധിക്കാന് അഭ്യന്തര സമിതിക്ക് രൂപം നല്കാനും റിസര്വ് ബാങ്ക് തീരുമാനമെടുത്തു .
Discussion about this post