കര്‍ഷകര്‍ക്ക് പ്രതിവര്‍ഷം ആറായിരം രൂപ വരെ നല്‍കുന്ന പദ്ധതിയില്‍ മാറ്റം വരുത്താന്‍ തയ്യാര്‍ എന്ന് കേന്ദ്ര കൃഷിവകുപ്പ് മന്ത്രി രാധാമോഹന്‍ സിംഗ് .
ചെറുകിടകര്‍ഷകര്‍ക്ക് 6000 രൂപ വലിയ സഹായകരമാകും . എയര്‍കണ്ടീഷന്‍ റൂമില്‍ ജോലി ചെയ്ത് ഇരിക്കുന്നവര്‍ക്ക് മാസം 500 രൂപ ലഭിക്കുന്നതിനെക്കുറിച്ച് മനസിലാവുകയില്ല . രണ്ട് ഏക്കറില്‍ താഴെയുള്ള കൃഷിക്കാര്‍ക്ക് കുട്ടികളെ സ്കൂളില്‍ അയക്കാന്‍ പോലും സാധിക്കാത്ത സാഹചര്യമുണ്ട് . രാധാമോഹന്‍ സിംഗ് പറഞ്ഞു .
ആറായിരം രൂപയില്‍ സര്‍ക്കാര്‍ സഹായം നിറുത്തില്ല . ഈ നിരക്ക് വര്‍ദ്ധിപ്പിക്കും . ഇതിനൊപ്പം സര്‍ക്കാര്‍ മറ്റു പല പദ്ധതികളും നടപ്പാക്കും . 2008 ല്‍ 52,000 കോടി രൂപ കാര്‍ഷികകടം കേന്ദ്രസര്‍ക്കാര്‍ എഴുതിത്തള്ളിയിരുന്നു . 75000 കോടി രൂപ നേരിട്ട് കര്‍ഷകര്‍ക്കായി കേന്ദ്രസര്‍ക്കാര്‍ വിനിയോഗിക്കുന്നുണ്ട് അദ്ദേഹം വ്യക്തമാക്കി .
കര്‍ഷകരുടെ അക്കൗണ്ടിലേക്കാണ് നിലവില്‍ സര്‍ക്കാര്‍ നല്‍കുന്ന ആറായിരം രൂപ ചെന്നെത്തുക . ഇതിന്റെ പൂര്‍ണ്ണ ചെലവ് വഹിക്കുക കേന്ദ്രസര്‍ക്കാരാണ് . ചെറുകിട കര്‍ഷകര്‍ക്കായി പ്രധാനമന്ത്രി കിസാന്‍ നിധി പദ്ധതി നടപ്പാക്കുമെന്നും ബജറ്റില്‍ പ്രഖ്യാപിച്ചിട്ടുണ്ട് .
Discussion about this post