സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്റ് പ്രസ്താവനയ്ക്കെതിരെ എന്.എസ്.എസ് രംഗത്ത്. കോടിയേരി അതിര് കടക്കുന്നുവെന്നും അധികാരമുണ്ടെന്ന് കരുതി എന്തും പറയാമെന്ന് വിചാരിക്കണ്ടായെന്നും എന്.എസ്.എസ് ജനറല് സെക്രട്ടറി ജി.സുകുമാരന് നായര് വാര്ത്താക്കുറിപ്പിലൂടെ പറഞ്ഞു. ഇതിന് തക്ക മറുപടി പറയാന് എന്.എസ്.എസിന് അറിയാമെന്നും എന്നാല് അതിനുള്ള സംസ്കാരമല്ല എന്.എസ്.എസിനുള്ളതെന്നും വാര്ത്താ കുറിപ്പ് വ്യക്തമാക്കി.
വിശ്വാസത്തിന്റെ വിഷയത്തില് എന്.എസ്.എസിന്റെ നിലപാട് വ്യക്തമാണെന്നും എന്.എസ്.എസില് ചേരിതിരിവുണ്ടാക്കാനുള്ള ശ്രമം ആരുടെ ഭാഗത്ത് നിന്നുണ്ടായാലും അത് അതിജീവിക്കാനുള്ള സംഘടനാശേഷിയും കെട്ടുറപ്പും എന്.എസ്.എസിനുണ്ടെന്നും സുകുമാരന് നായര് പറഞ്ഞു.
ശബരിമല വിഷയത്തില് എന്.എസ്.എസിന് മാടമ്പി മനോഭാവമാണെന്നും മാടമ്പിമാരുടെ പിന്നാലെ നടക്കേണ്ട ഗതികേട് സി.പി.എമ്മിനില്ലെന്നും കോടിയേരി പറഞ്ഞിരുന്നു. എന്.എസ്.എസുമായി വിഷയത്തില് യാതൊരു ചര്ച്ചയ്ക്കും തയ്യാറല്ലെന്നായിരുന്നു കോടിയേരി വ്യക്തമാക്കിയത്.
Discussion about this post