“മുംബൈ ഭീകരാക്രമണത്തിന് ശേഷം തിരിച്ചടിക്കാന്‍ തയ്യാറായി നിന്ന വ്യോമസേനയ്ക്ക് അനുമതി നല്‍കാഞ്ഞത് സര്‍ക്കാര്‍”: വെളിപ്പെടുത്തലുമായി വ്യോമസേനയുടെ മുന്‍ ഫൈറ്റര്‍ പൈലറ്റ്

രാജ്യത്തെ നടുക്കിയ മുംബൈ ഭീകരാക്രമണത്തിന് ശേഷം പാക് അധീന കശ്മീരിലെ മുസാഫര്‍ബാദില്‍ സ്ഥിതി ചെയ്തിരുന്ന ഭീകരവാദികളുടെ ക്യാമ്പിന് നേരെ ആക്രമണം നടത്താന്‍ ഇന്ത്യന്‍ വ്യോമസേന തയ്യാറായി നിന്നിരുന്നുവെന്ന് വ്യോമസേനയുടെ മുന്‍ ഫൈറ്റര്‍ പൈലറ്റ് മൊഹൊന്തൊ പങിങ്. വ്യോമസേനയ്ക്ക് ആക്രമണം നടത്താന്‍ അനുമതി നല്‍കാതിരുന്നത് അന്നത്തെ സര്‍ക്കാരായിരുന്നുവെന്നും മൊഹൊന്തൊ ട്വിറ്ററിലൂടെ പറഞ്ഞു.

പുല്‍വാമ ഭീകരാക്രമണത്തിന് മറുപടിയായി അതിര്‍ത്തിക്കപ്പുറത്ത് സ്ഥിതി ചെയ്യുന്ന ഭീകരവാദ ക്യാമ്പുകള്‍ക്ക് നേരെ ഇന്ത്യന്‍ വ്യോമസേന ആക്രമണം നടത്തിയ പശ്ചാത്തലത്തിലാണ് വെളിപ്പെടുത്തലുമായി മോഹൊന്തൊ രംഗത്ത് വന്നത്. പാക് ഭീകരരുടെ ക്യാമ്പുകള്‍ ഇന്ത്യന്‍ വ്യോമസേന തര്‍ത്തതിന്റെ ആഹ്ലാദം പങ്കുവെച്ചുകൊണ്ടുള്ള ട്വീറ്റാണ് മൊഹൊന്തോയുടേത്.

മുംബൈ ഭീകരാക്രമണത്തിന് മറുപടി നല്‍കാനായി സുഖോയ് വിമാനങ്ങളുടെ സ്‌ക്വാഡ്രണ് നേതൃത്വം നല്‍കി തയ്യാറായി നിന്നിരുന്ന ഫൈറ്റര്‍ പൈലറ്റായിരുന്നു മൊഹൊന്തൊ പങിങ്.

Finally terrorist camps in POK hit by Laser Guided Bombs from IAF Mirage 2000. We were about to hit POK camps in Muzzafarrabad after Mumbai attacks in 2008. Finally the Govt did not decide. Our Sukhoi Sqn under my Command was involved. Der Aaye Par Durusht Aaye. Cheers!!

— Mohonto Panging (@MontyPanging) February 26, 2019