രണ്ടല്ല, അതിര്‍ത്തികടന്ന് ഇന്ത്യന്‍ സേന നടത്തിയത് മൂന്ന് ആക്രമണങ്ങള്‍: രഹസ്യം പുറത്ത് വിട്ട് രാജ് നാഥ് സിംഗ്

ബെംഗളുരു: കഴിഞ്ഞ അഞ്ച് വര്‍ഷത്തിനിടയില്‍ അതിര്‍ത്തി കടന്ന് മൂന്ന് ആക്രമണങ്ങള്‍ നടത്തിയെന്ന് കേന്ദ്ര ആഭ്യന്തരമന്ത്രി രാജ്‌നാഥ് സിംഗിന്റെ വെളിപ്പെടുത്തല്‍. അതേസമയം മൂന്നാമത്തെ ആക്രമണത്തെ കുറിച്ച് സംസാരിക്കാനില്ലെന്നും അദ്ദേഹം പറഞ്ഞു.കര്‍ണാടകയില്‍ നടന്ന റാലിയിലാണ് രാജ്‌നാഥ് സിംഗിന്റെ വാക്കുകള്‍.

കഴിഞ്ഞ അഞ്ച് വര്‍ഷത്തിനിടയില്‍ നമ്മള്‍ മൂന്ന് തവണ അതിര്‍ത്തി കടന്നിടുണ്ട് . വിജയകരമായി നമ്മുടെ സൈനികര്‍ മിന്നലാക്രമണം നടത്തുകയും ചെയ്തു . ഇതില്‍ രണ്ടെണ്ണത്തിന്റെ വിവരങ്ങള്‍ പുറത്ത് പറഞ്ഞിട്ടുണ്ട് . എന്നാല്‍ മൂന്നാമത്തെതിനേക്കുറിച്ച് പുറത്ത് പറയില്ലെന്നും രാജ്നാഥ് സിംഗ് വെളിപ്പെടുത്തി .

#WATCH Union Home Minister Rajnath Singh at a public rally in Mangaluru: Pichle 5 varsho mein, teen baar apni seema ke bahar jaa kar hum logon ne air strike kar kaamyaabi haasil ki hai. Do ki jaankari apko dunga, teesri ki nahi dunga. #Karnataka pic.twitter.com/NZKeJPulrS

— ANI (@ANI) March 9, 2019

ഉറി ആക്രമണം 2016ല്‍ നടന്നപ്പോള്‍ പാക് അധീനകശ്മീരിലെ ഭീകരകേന്ദ്രങ്ങള്‍ സൈന്യം ആക്രമിച്ച് തകര്‍ത്തിരുന്നു . പുല്‍വാമയിലെ 40 സിആര്‍പിഎഫ് ജവാന്മാരുടെ വീരമൃത്യുവിനിടയാക്കിയ ഭീകരാക്രമണത്തിന് ശക്തമായ മറുപടിയായി പാക്കിസ്ഥാനിലെ ബാലാക്കോട്ടിലെ ജയ്ഷെ മുഹമ്മദിന്റെ തീവ്രവാദ പരിശീലന കേന്ദ്രം വ്യോമസേന തകര്‍ത്തിരുന്നു .

ഈ രണ്ടു മിന്നലാക്രമണത്തെയും പരോക്ഷമായി പരാമര്‍ശിച്ചാണ് രാജ്നാഥ് സിംഗ് സംസാരിച്ചത് . എന്നാല്‍ ഇവ രണ്ടും മാത്രമല്ലാതെ അതിര്‍ത്തി കടന്നു മറ്റൊരു വ്യോമാക്രമണം കൂടി ഇന്ത്യ നടത്തിയിട്ടുള്ളതായി രാജ്നാഥ് സിംഗ് പറഞ്ഞു .