ഡല്‍ഹി: തെരഞ്ഞെടുപ്പില്‍ സീറ്റ് നല്‍കാത്തതിനെതുടര്‍ന്ന് പ്രതിഷേധമറിയിച്ച എറണാകുളം എം.പി കെ.വി. തോമസിനെ അനുനയിപ്പിക്കാന്‍ ഹൈകമാന്‍ഡ് ഇടപെടല്‍. കെ.വി തോമസിനെ ഡല്‍ഹിയിലേക്ക് വിളിപ്പിച്ചതായാണ് സൂചന. സോണിയ ഗാന്ധിയുമായി അദ്ദേഹം ചര്‍ച്ച നടത്തും.
കെ.വി തോമസിന്റെ സീറ്റ് നല്‍കാന്‍ സാധ്യതയില്ലെന്നാണ് ഉന്നത നേതൃത്വം സൂചന നല്‍കുന്നത്. അതേ സമയം കെ.വി തോമസിന്റെ പരസ്യ പ്രസ്താവനയില്‍ കോണ്‍ഗ്രസ് നേതൃത്വത്തിന് ആശങ്കയുണ്ട്. ഇതേ തുടര്‍ന്ന് പാര്‍ട്ടിയില്‍ ഉന്നത ചുമതലകള്‍ നല്‍കി കെ.വി തോമസിനെ അനുനയിപ്പിക്കാനായിരിക്കും ചര്‍ച്ചകള്‍ നടക്കു എന്നാണ് റിപ്പോര്‍ട്ടുകള്‍.
സോണിയ ഗാന്ധി കൂടി ഉള്‍പ്പെട്ട കേന്ദ്ര തെരഞ്ഞെടുപ്പു സമിതിയാണ് സ്ഥാനാര്‍ഥികളെ തീരുമാനിച്ചത്. എന്നാല്‍, അതിനോടുള്ള തോമസിന്റെ പ്രതികരണം അറിഞ്ഞ സോണിയ ഗാന്ധി, കേരളത്തിന്റെ ചുമതലയുള്ള എ.ഐ.സി.സി ജനറല്‍ സെക്രട്ടറി മുകുള്‍ വാസ്‌നികുമായി ചര്‍ച്ച നടത്തി.
Discussion about this post