സംസ്ഥാനത്ത് ലോകസഭാ തെരഞ്ഞെടുപ്പുമായി ബന്ധപ്പെട്ട് സ്ഫോടക വസ്തുക്കളും മദ്യവും കടത്താന്‍ സാധ്യതയുണ്ടെന്ന റിപ്പോര്‍ട്ടിനെ തുടര്‍ന്ന് ട്രെയിനുകളില്‍ പരിശോധന കര്‍ശനമാക്കി . ഇതിന്റെ ഭാഗമായി സംസ്ഥാനത്തെ മുഴുവന്‍ എക്സ്പ്രസ് – പാസഞ്ചര്‍ ട്രെയിനുകളില്‍ പരിശോധന തുടങ്ങി .
പ്രത്യേക സ്ക്വാഡ് രൂപീകരിച്ച് രാത്രിയിലും പകലുമായിട്ടാണ് പരിശോധന നടത്തുന്നത് . തിരുവനന്തപുരം , കോട്ടയം , എറണാകുളം , തൃശ്ശൂര്‍ , പാലക്കാട് , കോഴിക്കോട് , കണ്ണൂര്‍ , മംഗളുരു എന്നിങ്ങനെയുള്ള പ്രധാന റെയിവേ സ്റ്റെഷനുകളില്‍ മുഴുവന്‍ സമയ പരിശോധന ആരംഭിച്ചിട്ടുണ്ട് .
അനനധികൃതമായ ലഗേജുകള്‍ കടത്തുന്നതിനായി തിരക്കുള്ള ട്രെയിനാണ് സംഘങ്ങള്‍ തിരഞ്ഞെടുക്കുന്നത് . ഇങ്ങനെ കടത്തുന്ന ലഗേജുകള്‍ കോച്ചില്‍ തന്നെ സൂക്ഷിച്ചതിന് ശേഷം സംഘാംഗങ്ങള്‍ മാറിനില്ക്കാറാണ് പതിവ് . പ്രധാന സ്റ്റേഷന് മുന്‍പ് അല്ലെങ്കില്‍ ട്രെയിന്‍ സിഗ്നല്‍ ലഭിക്കാതെ നിറുത്തിയിടുന്ന സമയങ്ങളില്‍ ഇവ കടത്തി മറ്റു വാഹനങ്ങളില്‍ കൊണ്ടുപോകുകയാണ് സംഘങ്ങളുടെ രീതി .
തെരഞ്ഞെടുപ്പ് കഴിയും വരെ തീവണ്ടികളില്‍ പരിശോധന തുടരാനാണ് നിര്‍ദേശം നല്‍കിയിരിക്കുന്നത് . ഇത് പ്രകാരം മുഴുവന്‍ സ്റ്റെഷനുകളിലും പരിശോധനയും നിരീക്ഷണവും ശക്തമാക്കിയിട്ടുണ്ട് . ഷോര്‍ണൂര്‍ ജംഗ്ഷന്‍ കേന്ദ്രീകരിച്ചുള്ള പ്രത്യേക വിംഗിനാണ് മലഭാര്‍ മേഖലയുടെ പരിശോധന ചുമതല . ഇവര്‍ക്കൊപ്പം ബോംബ്‌-ഡോഗ് സ്ക്വാഡുകള്‍ സജീവമായി പരിശോധനയില്‍ പങ്കാളിയാകും .
Discussion about this post