അധിക്ഷേപ പരാമര്‍ശം നടത്തിയ എല്‍.ഡി.എഫ് കണ്‍വീനര്‍ എ വിജയരാഘവനെതിരെ പരാതി നല്‍കുമെന്ന് ആലത്തൂരിലെ യു.ഡി.എഫ് സ്ഥാനാര്‍ഥി രമ്യ ഹരിദാസ്. നേതാക്കളുമായി ആലോചിച്ച് തീരുമാനം എടുക്കും. വിജയരാഘവന്റെ പരാമര്‍ശം വേദനിപ്പിച്ചുവെന്നും രമ്യ വ്യക്തമാക്കി. തിരഞ്ഞെടുപ്പ് കമ്മീഷനും പൊലീസിനും പരാതി നല്‍കുമെന്ന് കെപിസിസി അദ്ധ്യക്ഷന്‍ മുളളപ്പളളി രാമചന്ദ്രന്‍ പറഞ്ഞു. പൊന്നാനിയിലെ എല്‍.ഡി.എഫ് സ്ഥാനാര്‍ഥി പി.വി അന്‍വറിന്‍റെ തെരഞ്ഞെടുപ്പ് പ്രചാരണത്തിനിടെയാണ് വിജയരാഘവന്‍ അധിക്ഷേപ പരാമര്‍ശം നടത്തിയത്.
‘ആലത്തൂരിലെ സ്ഥാനാര്‍ഥി പെണ്‍കുട്ടി പി.കെ. കുഞ്ഞാലിക്കുട്ടിയെ കാണാന്‍പോയിരുന്നു, അതിനാല്‍ ആ കുട്ടിയുടെ കാര്യം ഇനി എന്താകുമെന്ന് പറയാനാകില്ല’ എന്നായിരുന്നു വിജയരാഘവന്റെ പരാമര്‍ശം.’ആലത്തൂരിലെ സ്ഥാനാര്‍ഥി പെണ്‍കുട്ടി, അവര്‍ ആദ്യം പോയി പാണക്കാട് തങ്ങളെ കണ്ടു. പിന്നെ കുഞ്ഞാലിക്കുട്ടിയെ കണ്ടു. അതോടുകൂടി ആ കുട്ടിയുടെ കാര്യം എന്താകുമെന്ന് എനിക്ക് പറയാന്‍വയ്യ, അത് പോയിട്ടുണ്ട്’ എന്നായിരുന്നു വിജയരാഘവന്റെ വാക്കുകള്‍.
https://www.facebook.com/mlmtvnews/videos/2613007858714846/?__xts__%5B0%5D=68.ARDkX9dojUGM8v6zvEoHWBLt92eWnyxFKu96L0cIQs24WBRR466ysz2i5BpwNrn_TrxZOqm3G55X0nrRimYk73YRw3Hy7RXTN4HOU_stceHEdQqrHOnaV5zy1wxbN-7brysH3YEh2xfTLLIGFAU2jCqYa0j5n37ueDNCIHFpZRsmTTelCKIfJ6st0QIChJm-NOJsS6DjX8RfSFT_D50aTiItWj8zHMv48kY0WUgUVH4zT6H3BDIkxeI7AM7vfkcNmAkyRvq1eyfwsmOnvXDX-UkU4k2HFaa7-sQ2kJJkexEujLj2hhBjARQkg7mHdBqcpxFXTWQF0VfG2hOfdcJyn2C9HSSG4RcfbRI&__tn__=-R
Discussion about this post