അയ്യപ്പഭക്തരെ കള്ളക്കേസില്‍ കുടുക്കി പീഡിപ്പിക്കുകയും സംഘടനയുടെ സ്വതന്ത്രമായ പ്രവര്‍ത്തനത്തെ നിയമവിരുദ്ധമായി തടസ്സപ്പെടുത്തുകയും ചെയ്യുന്ന കേരള സര്‍ക്കാരിന്റെയും പോലീസിന്റെയും നടപടികള്‍ക്കെതിരെ ശബരിമല കര്‍മ്മസമിതിയുടെ നേതൃത്വത്തില്‍ Fvdvd തിരുവനന്തപുരം സെക്രട്ടറിയേറ്റിനു മുന്നില്‍ നാമജപ പ്രതിഷേധ ധര്‍ണ്ണ നടത്തും.
ധര്‍ണ്ണയില്‍ സന്യാസിവര്യന്മാര്‍, സമുദായിക ഹൈന്ദവ സംഘടനാ നേതാക്കള്‍, അയ്യപ്പഭക്തസംഘടനാ നേതാക്കള്‍ എന്നിവര്‍ നേതൃത്വം നല്‍കും.
ആചാരലംഘനത്തിനെതിരെ പ്രക്ഷോഭം സംഘടിപ്പിച്ചതിന്റെ പേരില്‍ സര്‍ക്കാര്‍ വൈരാഗ്യബുദ്ധിയോടെ പ്രവര്‍ത്തിക്കുകയാണെന്ന് ശബരിമല കര്‍മ്മ സമിതി ജനറല്‍ കണ്‍വീനര്‍ എസ്‌ജെആര്‍ കുമാര്‍ പറഞ്ഞു. . അയ്യപ്പഭക്തര്‍ക്കെതിരെയും, ഹിന്ദു സംഘടനാ നേതാക്കള്‍ക്കെതിരെയും ജാമ്യമില്ലാ വകുപ്പ് ചുമത്തിയും PDPP ആക്ടില്‍പ്പെടുത്തി വന്‍തുകകള്‍ പിഴയടപ്പിച്ചും പീഡിപ്പിക്കുകയാണ്. ശബരിമല കര്‍മ്മസമിതി നേതാക്കള്‍ക്കെതിരെ ആയിരത്തില്‍ അധികം കേസുകള്‍ പുതിയതായി എടുത്തിട്ടുണ്ട്.ശബരിമല കര്‍മ്മസമിതി നടത്തി വരുന്ന പ്രക്ഷോഭങ്ങളുടെ ഭാഗമായാണ് സെക്രട്ടറിയേറ്റ് ധര്‍ണ്ണ. തുടര്‍ പ്രക്ഷോഭങ്ങള്‍ക്ക് അന്തിമരൂപം നല്‍കാന്‍ അന്നേദിവസം ഉച്ചകഴിഞ്ഞ് കര്‍മ്മസമിതിയുടെയും ഹിന്ദു സംഘടനാ നേതാക്കളുടെയും യോഗം വിളിച്ചു ചേര്‍ക്കാനും തീരുമാനിച്ചിട്ടുണ്ട്.
Discussion about this post