അമ്മയെ വന്ദിച്ച് അനുഗ്രഹം വാങ്ങി പോളിംഗ് ബൂത്തിലേക്ക് : വോട്ട് രേഖപ്പെടുത്തി പ്രധാനമന്ത്രി

തെരഞ്ഞെടുപ്പിന്റെ മൂന്നാം ഘട്ടമായ ഇന്ന് പ്രധാനമന്ത്രി നരേന്ദ്ര മോദിയും വോട്ട് ചെയ്തു. അദ്ദേഹത്തിനൊപ്പം ബിജെപി ദേശീയ അധ്യക്ഷന്‍ അമിത് ഷായും വോട്ട് രേഖപ്പെടുത്താന്‍ ഉണ്ടായിരുന്നു. അമ്മയുടെ അനുഗ്രഹം വാങ്ങിയാണ് മോദി രാവിലെ വോട്ട് ചെയ്യാനെത്തിയത്. അഹമ്മദാബാദിലായിരുന്നു മോദിയുടെ വോട്ട്.

താന്‍ ഇന്ന് വോട്ട് രേഖപ്പെടുത്തുമെന്ന് മോദി ട്വീറ്റ് ചെയ്തിരുന്നു. നിങ്ങളുടെ വോട്ട് അമൂല്യമാണെന്നും വരും വര്‍ഷങ്ങളില്‍ രാജ്യത്തിന്റെ ഗതി നിര്‍ണ്ണയിക്കാന്‍ നിങ്ങളുടെ ഒരു വോട്ട് കൊണ്ട് സാധിക്കും എന്നുമായിരുന്നു മോദിയുടെ ട്വീറ്റ്.

അമ്മ ഹീരാബെന്നിന്റെ കാല്‍തൊട്ടു വണങ്ങുന്ന ചിത്രവും മോദി പുറത്തുവിട്ടിരുന്നു.രാജ്യത്തിന്റെ അഭിമാനത്തിനും സുരക്ഷയ്ക്കും ബഹുമാനത്തിനും നേര്‍ക്കാകട്ടെ നിങ്ങളുടെ ഓരോ വോട്ടും എന്നായിരുന്നു ബിജെപി അധ്യക്ഷന്റെ ട്വീറ്റ്.

Urging all those voting in today’s Third Phase of the 2019 Lok Sabha elections to do so in record numbers. Your vote is precious and will shape the direction our nation takes in the years to come.

I’ll be voting in Ahmedabad in a short while from now.

— Narendra Modi (@narendramodi) April 23, 2019