മന്‍ കി ബാത്തിലൂടെ രാജ്യത്തിന്റെ ചൈതന്യം വീണ്ടെടുക്കാനാവുമെന്ന് പ്രധാന മന്ത്രി നരേന്ദ്ര മോദി. മന്‍ കി ബാത്ത് സമൂഹത്തിന്റെ കണ്ണാടിയാണ്. ലോക്‌സഭ തെരഞ്ഞെടുപ്പില്‍ 61 കോടി ആളുകള്‍ വോട്ട് ചെയ്‌തെന്നും പ്രധാനമന്ത്രി പറഞ്ഞു.
രണ്ടാം വട്ടം പ്രധാനമന്ത്രിയായതിനു ശേഷമുള്ള പ്രധാനമന്ത്രി നരേന്ദ്രമോദിയുടെ പ്രതിമാസ റേഡിയോ പരിപാടിയായ മന്‍ കി ബാത്തിന്റെ ആദ്യ എപ്പിസോഡ് ഇന്ന് തുടങ്ങി .ജനങ്ങളുടെ നിര്‍ദ്ദേശങ്ങള്‍ ക്ഷണിച്ചു കൊണ്ട് മൈ ഗവ്ഇന്ത്യയാണ് മന്‍ കി ബാതിന്റെ പുതിയ എപ്പിസോഡിനെപ്പറ്റി ട്വീറ്റ് ചെയ്തത്.
അതേസമയം,ലോക്‌സഭാ തിരഞ്ഞെടുപ്പിനിടെ നടത്തിയ കേദര്‍നാഥ് തീര്‍ത്ഥാടന യാത്രയെ സംബന്ധിച്ചും അദ്ദേഹം മന്‍ കി ബാത്തില് വ്യക്തമാക്കി. കേദര്‍നാഥ് യാത്ര വ്യക്തിപരമായി തനിക്ക് കിട്ടിയ അവസരമായിരുന്നുവെന്നും അതില്‍ രാഷ്ട്രീയമില്ലെന്നും അദ്ദേഹം പറഞ്ഞു.
രണ്ടാം തവണ പ്രധാനമന്ത്രി ആയ ശേഷമുള്ള ആദ്യ മന്‍കി ബാത്തിലായിരുന്നു മോദിയുടെ വിശദീകരണം. ജലസംരക്ഷണത്തിന്റെ പ്രധാന്യം ഓര്‍മിപ്പിക്കുന്നതിനാണ് മന്‍ കി ബാത്തില് അദ്ദേഹം ഏറെ ശ്രദ്ധ നല്‍കിയത്. ജലസംരക്ഷത്തിനായി സ്വഛ് ഭാരതിന് സമാനമായ ദേശീയ മുന്നേറ്റങ്ങള്‍ ആരംഭിക്കേണ്ടി വരുമെന്ന് മോദി പറഞ്ഞു
ജല സംരക്ഷണത്തിന് ഒരു നിശ്ചിത മാര്‍ഗമില്ല. ഓരോ പ്രദേശങ്ങളിലും സ്ഥലങ്ങളിലും വ്യത്യസ്തമായ രീതികളാണ്. എന്നിരുന്നാലും എല്ലാവരുടേയും ലക്ഷ്യം ഒന്നുതന്നെയാണ്. ഓരോ തുള്ളി ജലവും നമുക്ക് സംരക്ഷിക്കണമെന്നും അദ്ദേഹം പറഞ്ഞു.തമിഴ്‌നാട്, രാജസ്ഥാന്‍ തുടങ്ങിയ സംസ്ഥാനങ്ങളിലടക്കം രാജ്യത്തിന്റെ വിവിധ ഭാഗങ്ങളില്‍ കടുത്ത വരള്‍ച്ച നേരിടുന്നതിനിടയിലാണ് പ്രധാനമന്ത്രിയുടെ സന്ദേശം.
ഫെബ്രുവരിയിൽ താൻ പറഞ്ഞു നമ്മൾ വീണ്ടും കാണുമെന്ന്. അമിതവിശ്വാസം കൊണ്ടാണ് ഇങ്ങനെ പറഞ്ഞതെന്ന് ചിലർ കുറ്റപ്പെടുത്തി. എന്നാൽ എനിക്ക് ജനങ്ങളിൽ വിശ്വാസമുണ്ടായിരുന്നു. മൻ കി ബാത്തിന് നിരവധി കത്തുകളും ഇമെയിലുകളും ലഭിക്കുന്നുണ്ട്. 130 കോടി ജനങ്ങളുടെ കരുത്താണ് മൻ കി ബാത്ത്. ഈ ഞായറാഴ്ചയ്ക്കായി കാത്തിരിക്കുകയായിരുന്നുവെന്നും മോദി പറഞ്ഞു.
ഫെബ്രുവരിയിലാണ് ഇതിനു മുൻപ് മൻകി ബാത്ത് പ്രക്ഷേപണം ചെയ്തത്. ബിജെപിയുടെ നേതൃത്വത്തിലുള്ള എൻഡിഎ സർക്കാർ അധികാരത്തിൽ വരുമെന്നും തിരഞ്ഞെടുപ്പിന് ശേഷം മൻ കി ബാത്ത് വീണ്ടും ആരംഭിക്കുമെന്നും അന്ന് മോദി പറഞ്ഞിരുന്നു. വീണ്ടും ആരംഭിക്കുന്ന മൻ കി ബാത്ത് എല്ലാ ജനങ്ങളും കേൾക്കുന്നതിന് ആവശ്യമായ സംവിധാനങ്ങളും റേഡിയോ സെറ്റുകളും ഒരുക്കണമെന്ന് പാർട്ടി നേതൃത്വം അണികളോട് ആവശ്യപ്പെട്ടിരുന്നു
.
Discussion about this post