യൂണിവേഴ്സിറ്റി കോളേജ് സംഘര്ഷത്തില് വിദ്യാര്ഥിയെ വധിക്കാന് ശ്രമിച്ച കേസിലെ മുഖ്യപ്രതികള് ആയ എസ്എഫ്ഐ നേതാക്കള് പോലിസില് കീഴടങ്ങി. ഒന്നാം പ്രതി ശിവരഞ്ജിത്തും രണ്ടാം പ്രതി നസീമുമാണ് പിടിയിലായത്. ലൂക്ക് ഒൗട്ട് നോട്ടിസ് പുറത്തിറങ്ങിയതോടെ പ്രതികളെ കൈമാറാനുള്ള സമ്മര്ദ്ദം ശക്തമായതോടെയാണ് കീഴടങ്ങാനുള്ള തീരുമാനമെന്നാണ് സൂചന.
അതേ സമയം പ്രതികള് രക്ഷപ്പെടാന് ശ്രമം നടത്തവെ പിടികൂടിയതെന്നാണ് പോലിസ് പറയുന്നത്. ഒന്നാം പ്രതി ശിവരഞ്ജിത്തും രണ്ടാം പ്രതി നസീമുമാണ് പിടിയിലായത്. തിരുവനന്തപുരം കേശവദാസപുരത്ത് നിന്ന് കന്റോണ്മെന്റ് പൊലീസാണ് ഇരുവരേയും അറസ്റ്റ് ചെയ്തത്. കല്ലറയിലേക്ക് പോകാന് ഓട്ടോയില് കേശവദാസപുരത്ത് എത്തിയപ്പോഴാണ് ഇരുവരേയും അറസ്റ്റ് ചെയ്തതെന്നാണ് കന്റോണ്മെന്റ് പൊലീസ് പറയുന്നത്.
ഇതോടെ പൊലീസ് ലുക്ക് ഔട്ട് നോട്ടീസ് ഇറക്കിയവരില് അഞ്ച് പ്രതികള് ഉള്പ്പെടെ ആറുപേര് പിടിയിലായി. അക്രമിസംഘത്തിലുണ്ടായിരുന്ന കോളേജ് എസ്എഫ്ഐ യൂണിറ്റ് കമ്മിറ്റി അംഗം ഇജാബിനെ നേരത്തെ പൊലീസ് അറസ്റ്റ് ചെയ്തിരുന്നു.
ഇന്നലെ വൈകിട്ട് ശിവരഞ്ജിത്തിന്റേയും നസീമിന്റേയും വീട്ടില് പൊലീസ് പരിശോധന നടത്തിയിരുന്നു. ശിവരഞ്ജിത്തിന്റെ വീട്ടില് നടത്തിയ പരിശോധനയില് സീലുകള് പതിപ്പിക്കാത്ത യൂണിവേഴ്സിറ്റി പരീക്ഷ പേപ്പറുകളുടെ കെട്ടുകള് പൊലീസ് കണ്ടെത്തിയിട്ടുണ്ട്. എഴുതിയതും എഴുതാത്തുമായ 16 ബുക്ക്ലെറ്റുകളും ഫിസിക്കല് എഡ്യുക്കേഷന് ഡയറക്ടറുടെ സീലും വീട്ടില്നിന്ന് കണ്ടെടുത്തു.
Discussion about this post