തനിക്ക് ആത്മീയതയെക്കുറിച്ചോ ഹിന്ദുമതത്തെ കുറിച്ചോ ചരിത്രത്തെ കുറിച്ചോ അറിവില്ലെന്ന് പരിഹസിച്ച് ഫേസ്ബുക്ക് പോസ്റ്റിട്ട എഴുത്തുകാരി ലക്ഷ്മി രാജീവിന് ചുട്ട മറുപടിയുമായി ടി പി സെൻകുമാറിന്റെ ഫേസ്ബുക്ക് പോസ്റ്റ്.
ഇവരുടെയൊക്കെ സ്വർഗ്ഗീയ സാന്നിധ്യം നോക്കിയല്ല ഞാൻ ചടങ്ങുകളിൽ പങ്കെടുക്കുന്നതെന്ന് ടി.പി സെൻകുമാർ പറഞ്ഞു. എനിക്ക് എന്റെ ദേശീയ ബോധം ഉണ്ട്. ആനപ്പുറത്തു കാരണവന്മാർ ആരെങ്കിലും കയറിയതിന്റെ തഴമ്പ് എനിക്കില്ലെന്നും സെൻകുമാർ ഫേസ്ബുക്ക് പോസ്റ്റിൽ കുറിച്ചു.
ഇപ്രകാരമായിരുന്നു ലക്ഷ്മി രാജീവിന്റെ പോസ്റ്റ്. “അദ്ദേഹത്തിന്റെ പ്രസംഗം കേൾക്കാൻ ബിജെപി /സംഘപരിവാർ കാരുടെ വേദിയിൽ എന്തായാലും ഞാൻ പോകില്ല. അദ്ദേഹത്തിന് എങ്ങനെ ഇതൊക്കെ സാധിക്കുന്നു എന്നറിയാൻ എനിക്ക് ആഗ്രഹമുണ്ട്. അതുകൊണ്ടു പോയി.
എനിക്കതിനു കൃത്യമായ ചില മറുപടികൾ ലഭിക്കുകയും ചെയ്തു. അദ്ദേഹത്തിന് ഈ നാടിൻറെ ചരിത്രത്തെക്കുറിച്ചോ, സ്വന്തം ജാതിയുടെ ചരിത്രത്തെക്കുറിച്ചോ , അദ്ദേഹം പറഞ്ഞ ആത്മീയത്തെക്കുറിച്ചോ ഒരു അവഗാഹവുമില്ലെന്നു മനസിലായപ്പോൾ സമാധാനമാണ് തോന്നിയത്. ഒന്നുകിൽ അദ്ദേഹത്തിന് ഇതൊന്നും അറിയില്ല. അല്ലെങ്കിൽ അറിയില്ല എന്ന് അഭിനയിക്കുന്നു.‘
തുടർന്ന് സംഘപരിവാറിനെക്കുറിച്ചും ബിജെപിയെ കുറിച്ചും രൂക്ഷമായ ഭാഷയിൽ എഴുതിയ ലക്ഷ്മി രാജീവ് അയ്യപ്പ- ശ്രീബുദ്ധ സങ്കൽപ്പങ്ങളെ മോശമായ ഭാഷയിൽ അധിക്ഷേപിക്കുന്നു. ‘അയ്യപ്പൻ ശ്രീബുദ്ധനല്ല, ശ്രീബുദ്ധൻ ഈ പോസിൽ ഇരിക്കുന്നത് ഞാൻ കണ്ടിട്ടില്ല.’ എന്ന് ലക്ഷ്മി രാജീവ് കുറിച്ചു.
പോസ്റ്റിൽ ലക്ഷ്മി രാജീവ് പിന്നോക്ക ഹിന്ദുക്കളെയും ബ്രാഹ്മണരെയും പരിഹസിക്കുന്നുമുണ്ട്. ’പിന്നോക്കക്കാരന്റെ ഡി എൻ എ നൂറ്റാണ്ടുകളായുള്ള അടിമത്തംകൊണ്ട് ബുദ്ധി ക്ഷയിപ്പിച്ചിരിക്കുന്നു. ബ്രാഹ്മണന്റെ DNA വെയില് കൊള്ളാത്തതുകൊണ്ടു ഒരു കേടുമില്ലാതെ ഇരിക്കുന്നു. ’
ഇതിന് ടി പി സെൻകുമാർ കൃത്യമായ മറുപടി നൽകുന്നു.
‘ജാതി ഭ്രാന്തിന്റെ ഒരു രൂപം എന്നേ ഇതിനെ പറയാനാവൂ. 1914ഇൽ ഗുരുദേവൻ നമുക്ക് ജാതിയില്ലാ എന്നുപറഞ്ഞത് ഇത്തരം ജന്മങ്ങൾ ഗുരുവിനെ ഒരു വർഗത്തിന്റെ മാത്രം ഗുരു ആക്കുന്നു എന്നതുകൊണ്ടാണ്. ആ ജാതി ഭ്രാന്തു വീണ്ടും വരുന്നു.
ഗുരുദേവൻ സ്ത്രീകൾ ആചരിക്കേണ്ട ചില കാര്യങ്ങൾ ഗുരു ധർമത്തിൽ കൃത്യമായി പറഞ്ഞിട്ടുണ്ട്. സനാതന ധർമത്തെക്കുറിച്ചും ഗുരു എഴുതിയിട്ടും പറഞ്ഞിട്ടും ഉണ്ട്. ഈ വിവരക്കേടിനു ഗുരുവിനും മുകളിൽ അറിവുള്ള കാര്യം എനിക്ക് ഏതായാലും അംഗീകരിക്കാൻ ആകില്ല. വിമാനം താഴ്ത്തി ശബരിമല കാണുന്ന എളുപ്പമല്ല അത്. ശബരിമല അയ്യപ്പന്റെ നൈഷ്ഠിക ബ്രഹ്മചര്യ പ്രതിഷ്ഠ പോലെ ഒരു ബുദ്ധ പ്രതിഷ്ഠയുമില്ല . ഏതായാലും സെൻകുമാർ ഒരു ജാതിയുടെയും ആളല്ല’- സെൻകുമാർ ഫേസ്ബുക്കിൽ കുറിച്ചു.
ഫേസ്ബുക്ക് പോസ്റ്റിന്റെ പൂർണ്ണ രൂപം
https://www.facebook.com/drtpsenkumarofficial/photos/a.249893649221043/334743157402758/?type=3&theater
Discussion about this post