സംസ്ഥാനത്തെ അപകട നിരക്കും അപകടമരണ നിരക്കും കുറയ്ക്കുന്നതിന്റെ ഭാഗമായി മോട്ടോര്വാഹന വകുപ്പും പൊലീസും വിവിധ വകുപ്പുകളുമായി സഹകരിച്ച് സംസ്ഥാനവ്യാപകമായി നടത്തുന്ന വാഹനപരിശോധനയക്ക് തുടക്കം. ഓരോ തീയതിയും ഓരോ തരം നിയമലംഘനങ്ങള്ക്കെതിരെ നടപടിയെടുക്കാനാണ് തീരുമാനം.
ഇരുചക്രവാഹനങ്ങളിലെ എല്ലാ യാത്രക്കാരും ഹെല്മറ്റും കാര് യാത്രക്കാര് സീറ്റ് ബെല്റ്റും ധരിക്കുന്നുണ്ടോ എന്നതടക്കം എല്ലാ നിയമലംഘനങ്ങള്ക്കും പിടി വീഴും.
റോഡ് സുരക്ഷാ ആക്ഷന് പ്ലാനിന്റെ ഭാഗമായാണ് പരിശോധന. ഏഴാം തീയതി വരെ സീറ്റ് ബെല്റ്റ്, എട്ട് മുതല് 10 വരെ അനധികൃത പാര്ക്കിംഗ്, 11 മുതല് 13 വരെ അമിത വേഗത, 14 മുതല് 16 വരെ മദ്യപിച്ച് വാഹനമോടിക്കല്, ലെയ്ന് ട്രാഫിക്ക്, 17 മുതല് 19 വരെ ഡ്രൈവിംഗിനിടെ മൊബൈല് ഫോണ് ഉപയോഗം എന്നിവയാണ് പരിശോധിക്കുക.
Discussion about this post