നെടുങ്കണ്ടത്ത് പൊലീസ് കസ്റ്റഡിയില് കൊല്ലപ്പെട്ട രാജ്കുമാറിന്റെ എല്ലാ മെഡിക്കല് സര്ട്ടിഫിക്കറ്റുകളും ഹാജരാക്കാന് ഹൈക്കോടതി നിര്ദ്ദേശം നല്കി. മജിസ്ട്രറ്റിന്റെ സ്വീകരിച്ച നടപടികളുടെ വിശദാംശങ്ങളും മജിസ്ട്രേറ്റിന്റെ ഉത്തരവുകളും ഹാജരാക്കണം. വ്യാഴാഴ്ചക്കകം ഹാജരാക്കാന് ആണ് സര്ക്കാരിന് ഹൈക്കോടതി നിര്ദേശം നല്കിയിരിക്കുന്നത്. കേസിലെ ഒന്നാം പ്രതി എസ് ഐ കെ എ സാബുവിന്റെ ജാമ്യാപേക്ഷ പരിഗണിക്കുമ്പോള് ആയിരുന്നു കോടതിയുടെ നിര്ദേശം.
അതേസമയം പൊലീസ് കസ്റ്റഡിയിൽ കൊല്ലപ്പെട്ട രാജ്കുമാറിന് നേരിടേണ്ടിവന്നത് അതിക്രൂരമായ പീഡനമായിരുന്നുവെന്ന് സർക്കാർ ഹൈക്കോടതിയിൽ. കേസിൽ റിമാൻഡിൽ കഴിയുന്ന മുൻ എസ്ഐ സാബുവിന്റെ ജാമ്യാപേക്ഷ പരിഗണിക്കുമ്പോഴായിരുന്നു സർക്കാർ നിലപാടറിയിച്ചത്.
രാജ്കുമാറിനെ കോടതിയിൽ ഹാജരാക്കിയപ്പോൾ നടക്കാൻ പോലും കഴിയാത്ത സ്ഥിതിയിലായിരുന്നുവെന്നും സർക്കാർ ഹൈക്കോടതിയെ അറിയിച്ചു.
രാജ്കുമാറിനെ കസ്റ്റഡിയിലെടുത്തത് മേൽ ഉദ്യോഗസ്ഥരുടെ അറിവോടെയായിരുന്നുവെന്നും കസ്റ്റഡിയിൽ നിന്ന് ജയിലിൽ എത്തിക്കുന്നത്വരെ രാജ്കുമാറിന് പരിക്കുണ്ടായിട്ടില്ലെന്നുമാണ് കേസിലെ ഒന്നാം പ്രതിയായ സാബു ജാമ്യ ഹർജിയിൽ വ്യക്തമാക്കി.ഒരു മാസത്തിൽ അധികമായി കസ്റ്റഡിയിൽ ആയതിനാൽ ജാമ്യം അനുവദിക്കണമെന്ന് എസ് ഐ സാബു ആവശ്യപ്പെട്ടു. കേസ് വ്യാഴാഴ്ച വീണ്ടും പരിഗണിക്കും.
Discussion about this post