സുപ്രീം കോടതിയുടെ നിര്ദ്ദേശമനുസരിച്ച് ദേശീയ പൗരത്വ രജിസ്റ്റര് അസം സര്ക്കാര് ആഗസ്റ്റ് 31ന് പ്രസിദ്ധീകരിക്കും.എന്നാല് നുഴഞ്ഞുകയറ്റക്കാരെ കണ്ടെത്തി പുറത്താക്കാനുള്ള കേന്ദ്രസര്ക്കാറിന്റെ തീരുമാനങ്ങളും നടപടികളും തുടരുമെന്നും മുഖ്യമന്ത്രി സര്ബാനന്ദ സോനോവാള് അറിയിച്ചു.
ഭാരതീയരായ പൗരന്മാരെ കൃത്യമായി കണ്ടെത്തി രേഖപ്പെടുത്തുന്ന സംവിധാനമാണ് നാഷണല് രജിസ്റ്റര് ഓഫ് സിറ്റിസണ്(എന് ആര് സി) എന്ന ദേശീയ പൗരത്വ രേഖ. ബംഗ്ലാദേശിന്റെ അതിര്ത്തി പങ്കിടുന്ന സംസ്ഥാനമായ അസമിലെ ജനസംഖ്യയിലെ അപകടകരമായ അസന്തുലിതാവസ്ഥയാണ് ഏറെ നാളത്തെ പരിശോധനയിലൂടെ കേന്ദ്രസര്ക്കാര് കണ്ടെത്തിയത്.
നിയമസഭാ സാമാജികന്മാരായ ജനപ്രതിനിധികളും പ്രാദേശിക നേതൃത്വങ്ങളും അറിഞ്ഞുതന്നെ നടത്തിയിട്ടുള്ള അനധികൃതമായ സഹായങ്ങളടക്കം നുഴഞ്ഞുകയറ്റങ്ങളെ സഹായിച്ചിട്ടുണ്ട്. ഏതായാലും പൗരത്വരജിസ്ററര് പുറത്തിറക്കിയശേഷം നടപടികള് ഉടനാരംഭിക്കുമെന്നും അസം മുഖ്യമന്ത്രി അറിയിച്ചു.
കഴിഞ്ഞ വര്ഷം ജൂലൈ മാസത്തിലാണ് അനധികൃത പൗരന്മാരായ 40ലക്ഷം പേരെ കണ്ടെത്തുകയും
പട്ടികയില് നിന്ന് പുറത്താക്കുകയും ചെയ്തിരുന്നു.3.29 അപേക്ഷകളില് 2.89 പേരാണ് ഔദ്യോഗികമായി അംഗീകരിക്കപ്പെട്ടവരായി ഉള്ളത്.വീണ്ടും പരിശോധന നടത്തിയവരില് 1.02ലക്ഷം പേരെകൂടി അനധികൃത നുഴഞ്ഞുകയറ്റക്കാരായി കണ്ടെത്തുകയും തുടര്ന്ന് ആകെ ഒഴിവാക്കേണ്ടവരുടെ സംഖ്യ 41ലക്ഷമാവുകയും ചെയ്തിരുന്നു.ഇതിനിടെ ഒരുലക്ഷം കുടുംബങ്ങള്ക്ക് ഭൂമി ലഭ്യമാക്കുന്ന പദ്ധതിയും സോനോവാള് സര്ക്കാര് തുടങ്ങിക്കഴിഞ്ഞു.
Discussion about this post