തിരുവനന്തപുരത്ത് മാധ്യമ പ്രവര്‍ത്തകയ്ക്കും ജിഷ എലിസബത്തിനെയും ഭര്‍ത്താവിനും നേരെ സദാചാര പോലീസ് ആക്രമണം. സംഭവവുമായി ബന്ധപ്പെട്ട് സിപിഐഎം ബ്രാഞ്ച് സെക്രട്ടറിയടക്കം രണ്ടുപേരെ പൊലീസ് അറസ്റ്റു ചെയ്തു. സിപിഐഎം ശാസ്തമംഗലം ജവഹര്‍നഗര്‍ ബ്രാഞ്ച് സെക്രട്ടറി പി വിനോദ് കുമാര്‍, രാജേന്ദ്രന്‍ എന്നിവരെയാണ് പൊലീസ് അറസ്റ്റു ചെയ്തത്. അക്രമം നേരിടേണ്ടിവന്ന ജിഷയും ജോണും നല്‍കിയ പരാതിയുടെ അടിസ്ഥാനത്തിലാണ് പൊലീസ് നടപടി.
മാധ്യമം തിരുവനന്തപുരം യൂണിറ്റിലെ സബ് എഡിറ്റര്‍ ജിഷ എലിസബത്തിനും ഭര്‍ത്താവ് ജോണിനും നേരെ ഞായറാഴ്ച ഉച്ചയോടെയായിരുന്നു സദാചാര പൊലീസ് ചമഞ്ഞ് അക്രമം നടന്നത്. ജോണിന്റെ ഭഗവതി നഗറിലുള്ള സ്വകാര്യസ്ഥാപനത്തിലെ ഓഫീസില്‍ ജിഷ എത്തിയതായിരുന്നു സദാചാരവാദികളെ പ്രകോപിപ്പിച്ചത്. തങ്ങള്‍ ഭാര്യാ ഭര്‍ത്താക്കന്മാരാണെന്ന് പറഞ്ഞശേഷവും പിന്തിരിയാതിരുന്ന സംഘം ഇരുവര്‍ക്കുമെതിരെ അധിക്ഷേപം തുടര്‍ന്നു.
ഇതേതുടര്‍ന്ന് ഇവര്‍ സിറ്റി പൊലീസ് കമ്മീഷണര്‍ എച്ച് വെങ്കിടേഷിനും മ്യൂസിയം പൊലീസിനും നല്‍കിയ പരാതിയെ തുടര്‍ന്നാണ് രണ്ടുപേരെ അറസ്റ്റ് ചെയ്തത്. സദാചാര സംഘത്തിലെ മറ്റുള്ളവരുടെ പേരിലും നടപടിയുണ്ടാകുമെന്ന് പൊലീസ് അറിയിച്ചു. സംഭവവുമായി ബന്ധപ്പെച്ച എല്ലാവരേയും അറസ്റ്റ് ചെയ്യണമെന്ന് പത്രപ്രവര്‍ത്തക യൂണിയന്‍ ആവശ്യപ്പെട്ടു.
അതേസമയം സംഭവത്തില്‍ ഉള്‍പ്പെട്ടവര്‍ക്കെതിരെ കര്‍ശന നടപടിക്ക് നിര്‍ദേശം നല്‍കിയതായി ആഭ്യന്തര മന്ത്രി രമേശ് ചെന്നിത്തല അറിയിച്ചു.
https://www.youtube.com/watch?v=WmcEz12CtM4
Discussion about this post