കൊച്ചി: പാലാരിവട്ടം മേല്പ്പാലം അഴിമതിക്കേസില് മുന് പൊതുമരാമത്ത് സക്രട്ടറി ടി ഒ സൂരജിനെ അറസ്റ്റ് ചെയ്തു. വിജിലന്സ് ആണ് അറസ്റ്റ് ചെയ്തത. പാലം നിര്മിച്ച കമ്പനിയുടെ എം.ഡി സുമിത് ഗോയലും, കിറ്റ്കോ ജനറല് മാനേജര് ബെന്നി പോള്, കിറ്റ്കോ ഉദ്യോഗസ്ഥന് തങ്കച്ചന് എന്നിവര് ഉള്പ്പടെ നാല് പേരും അറസ്റ്റിലായിട്ടുണ്ട്. ഇന്നലെ സൂരജിനെ വിജിലന്സ് ചോദ്യം ചെയ്തിരുന്നു. ഇതിന് പിറകെയാണ് അറസ്റ്റ്.
സൂരജ് സെക്രട്ടറി ആയിരിക്കുമ്പോഴാണ് പാലത്തിന് കരാര് നല്കുന്നത്. കഴിഞ്ഞ യുഡിഎഫ് സര്ക്കാരിന്റെ കാലത്ത്, ദേശീയ പാത വിഭാഗത്തെ ഒഴിവാക്കിയാണ് റോഡ്സ് ആന്റ് ബ്രിഡ്ജസ് ഡെവലപ്മെന്റ് കോര്പറേഷന് പാലത്തിന്റെ നിര്മ്മാണ ചുമതല നല്കിയത്. അഴിമതിക്ക് കളമൊരുക്കാനാണ് ഇത്തരം ഒരു തീരുമാനം എടുത്തതെന്ന് ആരോപണം ഉയര്ന്നിരുന്നു.
അന്നത്തെ മന്ത്രിസഭാ തീരുമാന പ്രകാരം ഉത്തരവ് ഇറക്കുക മാത്രമാണ് താന് ചെയ്തതെന്ന് ചോദ്യംചെയ്യലിന് ശേഷം ടി.ഒ സൂരജ് പ്രതികരിച്ചിരുന്നത്.
Discussion about this post