കൊച്ചി മെട്രോ തൈക്കൂടം വരെ നീട്ടിയതിന്റെ ഭാഗമായി പ്രഖ്യാപിച്ചിരുന്ന നിരക്കിളവ് വരുംദിവസങ്ങളിലും യാത്രക്കാർക്ക് ഭാഗികമായി ലഭ്യമാക്കൊനൊരുങ്ങി കെ എം ആർ എൽ. തൈക്കൂടം വരെയുളള സർവ്വീസ് ഉദ്ഘാടനം ചെയ്തതിന് പിന്നാലെ ഈ മാസം 18 വരെ 50 ശതമാനം നിരക്കിളവാണ് യാത്രക്കാർക്കായി കൊച്ചി മെട്രോ പ്രഖ്യാപിച്ചിരുന്നത്. ഈ ആനുകൂല്യം അവസാനിക്കാൻ ദിവസങ്ങൾ മാത്രം അവശേഷിക്കേയാണ്, 19 മുതൽ ഈമാസം 30 വരെ 20 ശതമാനം നിരക്കിളവ് കെ എംആർഎൽ പ്രഖ്യാപിച്ചു.
യാത്രക്കാർക്ക് ഓണസമ്മാനമായാണ് 50 ശതമാനം നിരക്കിളവ് കൊച്ചി മെട്രോ പ്രഖ്യാപിച്ചത്. ഇതിന് മികച്ച പ്രതികരണമാണ് ലഭിച്ചത്. റെക്കോർഡ് യാത്രക്കാരാണ് മെട്രോയിൽ കയറിയത്. ഒരു ദിവസം യാത്രക്കാരുടെ എണ്ണം ഒരു ലക്ഷം കടന്നു. യാത്രക്കാരെ നിലനിർത്തുന്നതിന്റെ ഭാഗമായാണ് 20 ശതമാനം നിരക്കിളവ് വരും ദിവസങ്ങളിൽ നല്കാൻ കൊച്ചി മെട്രോ തീരുമാനിച്ചിരിക്കുന്നത്
Discussion about this post