സി.ബി.ഐ ദൈവമല്ലെന്നും എല്ലാ കേസുകളും സി.ബി.ഐയ്ക്ക വിടേണ്ടതില്ലെന്നും സുപ്രീംകോടതി. പൊലീസില്‍ നിന്ന് സി.ബി.ഐക്ക് അന്വേഷണം കൈമാറിയ പഞ്ചാബ്-ഹരിയാന ഹൈക്കോടതിയുടെ ഉത്തരവ് പരിഗണിക്കുന്നതിനിടെയാണ് സുപ്രീംകോടതിയുടെ വിമര്ശനം.ജസ്റ്റിസുമാരായ എന്‍.വി.രമണ, സഞ്ജീവ് ഖന്ന എന്നിവരുള്‍പ്പെട്ട ബെഞ്ചിന്റേതാണ് നിരീക്ഷണം
‘സി.ബി.ഐ ദൈവമല്ല. അവര്‍ക്ക് എല്ലാം സാധിക്കണമെന്നില്ല. ഹൈക്കോടതിയുടെ ഉത്തരവിനോട് യോജിക്കാന്‍ കഴിയില്ല.’ഒരാളെ കാണാതായതുമായി ബന്ധപ്പെട്ടുള്ള കേസിന്റെ അന്വേഷണമാണ് ഹൈക്കോടതി സി.ബി.ഐയെ ഏല്‍പിച്ചത്. 2017-ലാണ് കേസ് സിബിഐക്ക് കൈമാറിയത്.
കാണാതായ ആളുടെ സഹോദരന്റെ ആവശ്യപ്രകാരമായിരുന്നു കേസ് അന്വേഷണം സി.ബി.ഐയെ ഏല്‍പ്പിച്ചത്.കേസിന്റെ അന്വേഷണം പൊലീസിന് തന്നെ നടത്താവുന്നതേയുള്ളൂവെന്ന് സി.ബി.ഐയും കോടതിയെ അറിയിക്കുകയുണ്ടായി. സി.ബി.ഐയുടെ ഈ വാദം സുപ്രീംകോടതി അംഗീകരിക്കുകയായിരുന്നു
Discussion about this post