തമിഴ്‌നാട്ടില്‍ 50 കോടിയുടെ വന്‍ കവര്‍ച്ച. തിരുച്ചിറപ്പള്ളി ചത്തിരം ബസ് സ്റ്റാന്‍ഡിന് സമീപത്തെ ലളിത ജുവല്ലറി സ്റ്റോറിലാണ് കവര്‍ച്ച നടന്നത്. മോഷ്ടാക്കളായ, മുഖംമൂടി ധരിച്ച രണ്ടുപേരുടെ സിസിടിവി ദൃശ്യങ്ങള്‍ പൊലീസിന് ലഭിച്ചു.
ബുധനാഴ്ച പുലര്‍ച്ചെയായിരുന്നു കവര്‍ച്ച നടന്നത്. ജ്വല്ലറിയുടെ ഭിത്തി തുരന്നാണ് കവര്‍ച്ചാസംഘം അകത്തുകടന്നത്. രാവിലെ ജ്വല്ലറിയിലെത്തിയ ജീവനക്കാരാണ് മോഷണം നടന്ന വിവരം അറിയുന്നത്. സ്വര്‍ണവും രത്‌നങ്ങളുമടക്കം ജ്വല്ലറിയില്‍ നിന്നും മോഷണം പോയി.
പുലര്‍ച്ചെ രണ്ടിനും മൂന്നിനും ഇടയിലാണ് മോഷണം നടന്നതെന്ന് പൊലീസ് പറഞ്ഞു. സിസിടിവി ദൃശ്യത്തില്‍ ഫാന്‍സി മൃഗങ്ങളുടെ മുഖം മൂടി ധരിച്ച രണ്ടുപേരുടെ ദൃശ്യങ്ങളാണ് ഉള്ളത്. ഫൊറന്‍സിക് വിദഗ്ധര്‍ സ്ഥലത്തെത്തി തെളിവുകള്‍ ശേഖരിച്ചു. മോഷ്ടാക്കള്‍ക്കായി തിരച്ചില്‍ ഊര്‍ജ്ജിതമാക്കിയതായി ട്രിച്ചി പൊലീസ് കമ്മീഷണര്‍ അമല്‍രാജ് പറഞ്ഞു.
Discussion about this post