സംസ്ഥാനത്ത് ഇന്ധന വില കുറഞ്ഞു. രണ്ടു ദിവസമായി പെട്രോള്‍, ഡീസല്‍ വിലയില്‍ നേരിയ കുറവുണ്ടായി. പെട്രോളിന് ഇന്ന് 19 പൈസയും ഡീസലിന് വില എട്ടു പൈസയും കുറഞ്ഞു.
ഒരു ലിറ്റര്‍ പെട്രോളിന് 76.35 രൂപയാണ് കൊച്ചിയിലെ വില. കുറഞ്ഞത് 19 പൈസ. ഇന്നലെ പെട്രോള്‍ വിലയില്‍ 10 പൈസയുടെ കുറവു രേഖപ്പെടുത്തിയിരുന്നു.
ഡീസല്‍ ലിറ്ററിന് 71.05 രൂപയാണ് കൊച്ചിയിലെ വില. ഇന്നു കുറഞ്ഞത് എട്ടു പൈസ. ഇന്നലെ ഡീസല്‍ വില ഏഴു പൈസ കുറഞ്ഞിരുന്നു.
സൗദിയില്‍ ആരാംകോ എണ്ണക്കിണറില്‍ ഹൂതി വിമതര്‍ ആക്രമണം നടത്തിയതിനു പിന്നാലെയാണ് രാജ്യത്ത് പെട്രോള്‍, ഡീസല്‍ വില ഉയരാന്‍ തുടങ്ങിയത്. മൂന്നു രൂപയോളമാണ് പെട്രോളിന് വില വര്‍ധിച്ചത്.
Discussion about this post