കൂടത്തായി കൂട്ടക്കൊലപാതകങ്ങളിലെ പ്രധാന പ്രതി ജോളിയെ സഹായിച്ചവരെ കണ്ടെത്താനുള്ള അന്വേഷണം ശക്തമാക്കി പൊലീസ് സംഘം . ഇതുവരെ ചോദ്യം ചെയ്യാത്ത ചിലരും അന്വേഷണ സംഘത്തിന്റെ നിരീക്ഷണത്തിലുണ്ട്. അന്വേഷണസംഘത്തെ മാറ്റാനും ജോളി ശ്രമിച്ചതായി റിപ്പോര്ട്ടുകളുണ്ട്.
പതിനൊന്നു പേര് പൊലീസിന്റെ നിരീക്ഷണത്തിലുള്ളതായാണ് റിപ്പോര്ട്ട്. ചില രാഷ്ട്രീയ നേതാക്കള്, റവന്യൂ ഉദ്യോഗസ്ഥര്, അഭിഭാഷകര് അടക്കം നിരവധി പേര് പൊലീസിന്റെ നിരീക്ഷണത്തിലുണ്ട്. ജോളിയുമായി അടുത്ത സൗഹൃദം ഉള്ളവരും ബന്ധുക്കളുമെല്ലാം നിരീക്ഷണത്തിലാണ്. സംശയമുള്ള ഏതാനും പേര്ക്ക് സ്റ്റേഷന് പരിധി വിട്ടുപോകരുതെന്ന് നിര്ദേശം നല്കിയിട്ടുണ്ട്. ജോളിയുടെ മൊഴിയുടെ അടിസ്ഥാനത്തില് ചോദ്യം ചെയ്യേണ്ടവരുടെ പട്ടിക ക്രൈംബ്രാഞ്ച് തയ്യാറാക്കിയിട്ടുണ്ട്. ഇവരെ തുടര് ദിവസങ്ങളില് ചോദ്യം ചെയ്യലിന് വിളിപ്പിക്കാനാണ് ക്രൈംബ്രാഞ്ച് സംഘത്തിന്റെ തീരുമാനം.
വ്യാജ ഒസ്യത്ത് തയ്യാറാക്കുന്നതിന് നിരവധി പേരുടെ സഹായം ജോളിക്ക് ലഭിച്ചതായും അന്വേഷണസംഘം കണക്കുകൂട്ടുന്നു. രണ്ട് പൊതുപ്രവര്ത്തകര് വ്യാജ ഒസ്യത്തില് സാക്ഷികളായി ഒപ്പുവെച്ചതായും റിപ്പോര്ട്ടുകളുണ്ട്. ജോളിയുടെ പേരിലാണ് ടോം തോമസിന്റെ പേരിലുള്ള സ്വത്തുക്കളുടെ നികുതി കൂടത്തായി വില്ലേജ് ഓഫീസ് അധികൃതര് സ്വീകരിച്ചിരുന്നത്. ഇതിന് പിന്നില് റവന്യൂ വകുപ്പിലെ ഉന്നത ഉദ്യോഗസ്ഥയുടെ ഇടപെടലുണ്ടെന്ന് അന്വേഷണ സംഘത്തിന് വിവരം ലഭിച്ചിട്ടുണ്ട്. കേസില് ഇതുവരെ 212 പേരെ ക്രൈംബ്രാഞ്ച് ചോദ്യംചെയ്തിട്ടുണ്ട്.
അതേസമയം കോടതി റിമാന്ഡ് ചെയ്ത ജോളിയേയും മറ്റ് രണ്ടുപ്രതികളേയും കസ്റ്റഡിയില് ആവശ്യപ്പെട്ട് പൊലീസ് നല്കിയ അപേക്ഷ കോടതി ബുധനാഴ്ച പരിഗണിക്കും.
Discussion about this post