ലോകത്തെ ഭീകരസംഘടനകളുടെ പട്ടികയില് സിപിഐ മാവോയിസ്റ്റും. ലോകത്തെ ഏറ്റവും അപകടകാരിയായ ആറാമത്തെ ഭീകരസംഘടനയാണെന്ന് സിപിഐ മാവോയിസ്റ്റെന്ന് അമേരിക്ക. യു.എസ്. സ്റ്റേറ്റ് ഡിപ്പാര്ട്ട്മെന്റ് പുറത്തുവിട്ട റിപ്പോര്ട്ടിലാണ് ഇക്കാര്യം വ്യക്തമാക്കുന്നത്.
താലിബാന്, ഐ.എസ്, അല്-ശബാബ്(ആഫ്രിക്ക), ബൊക്കോ ഹറാം(ആഫ്രിക്ക), കമ്യൂണിസ്റ്റ് പാര്ട്ടി ഓഫ് ഫിലിപ്പീന്സ് തുടങ്ങിയവയാണ് ലോകത്തെ ഭീകരസംഘടനകളുടെ പട്ടികയില് ആദ്യസ്ഥാനങ്ങളില്. ഇവയ്ക്ക് പിന്നിലാണ് സിപിഐ മാവോയിസ്റ്റിന്റെ സ്ഥാനം.
സിപിഐ മാവോയിസ്റ്റ് കഴിഞ്ഞവര്ഷം മാത്രം 177 ആക്രമണങ്ങളിലായി 311 പേരെ കൊലപ്പെടുത്തിയെന്നാണ് അമേരിക്കയുടെ കണക്ക്. എന്നാല് കേന്ദ്ര ആഭ്യന്തര മന്ത്രാലയത്തിന്റെ കണക്കുപ്രകാരം 833 സംഭവങ്ങളിലായി 240 പേര് മരിച്ചെന്നാണ് വിവരം.
ഭീകരവാദം ഏറ്റവുമധികം ബാധിക്കുന്ന രാജ്യങ്ങളില് ഇന്ത്യ നാലാം സ്ഥാനത്താണെന്നും ഇന്ത്യയിലെ 57 ശതമാനം ഭീകരാക്രമണങ്ങളും ജമ്മു കശ്മീരിലാണ് റിപ്പോര്ട്ട് ചെയ്തതെന്നും യു.എസ്. സ്റ്റേറ്റ് ഡിപാര്ട്ട്മെന്റിന്റെ റിപ്പോര്ട്ടില് പറയുന്നു.
Discussion about this post