റസിഡന്സ് അസോസിയേഷന് പ്രവര്ത്തകര് വീട്ടിലെത്തിയപ്പോള് കണ്ടത് ടാര്പോളിന് വലിച്ചുകെട്ടിയ ഷെഡില് ആക്രിസാധനങ്ങള്ക്കൊപ്പം എണ്പതുവയസ്സുകാരി തങ്കമ്മയെ. തിരുവനന്തപുരം പാലോട് പാപ്പനംകോട് വെങ്കിടഗിരിയിലെ വീട്ടിലാണ് ഞെട്ടിക്കുന്ന കാഴ്ച.
മകള്ക്ക് എഴുതിക്കൊടുത്ത പത്തു സെന്റിലെ വീടിന്റെ പിന്നാമ്പുറത്ത് ടാര്പ്പോളിന് വലിച്ചുകെട്ടിയ ഷെഡില്, പഴയ സാധനങ്ങള് കൂട്ടിയിട്ടിരിക്കുന്നതിനു നടുവിലാണ് ഇവര് കഴിയുന്നത്.
തൊട്ടരികിലായി ആള്മറയില്ലാത്ത കിണറുമുണ്ട്. പാപ്പനംകോട് റസിഡന്സ് അസോസിയേഷന്റെ ഇടപെടല് മൂലം പൊലീസ് സഹായത്തോടെ ചികിത്സയും മറ്റു സൗകര്യങ്ങളും ലഭിച്ചു.
ഉടുതുണി പോലും ഇല്ലാത്ത അവസ്ഥയിലായിരുന്നു തങ്കമ്മ. ഉടന് പാലോട് പൊലീസില് അറിയിച്ചു. ചികിത്സ ലഭ്യമാക്കാന് ആരോഗ്യ വകുപ്പിനോട് അഭ്യര്ഥിച്ചതായും വീട്ടിലെത്തി ചികിത്സ നല്കുമെന്നും വീടിനുള്ളില് കിടത്താന് മകള്ക്ക് നിര്ദേശം നല്കിയെന്നും നിരീക്ഷിക്കുമെന്നും പൊലീസ് പറഞ്ഞു.
Discussion about this post