ജയ്പൂര് സ്ഫോടന പരമ്പര കേസിലെ ന്രാല് പതികള്ക്ക് വധശിക്ഷ. സര്വാര് ആസ്മി, മുഹമ്മദ് സെയ്ഫ്, സെയ്ഫുര് റഹ്മാന്, സല്മാന് എന്നിവരെയാണ് പ്രത്യേക കോടതി വധശിക്ഷയ്ക്ക് ശിക്ഷിച്ചത്.
2008 മെയ് 13നാണ് ജയ്പൂരില് സ്ഫോടന പരമ്പര ഉണ്ടായത്. സ്ഫോടനങ്ങളില് 71 പേര് കൊല്ലപ്പെട്ടു. 185 പേര്ക്ക് പരിക്കേല്ക്കുകയും ചെയ്തു.കേസിലെ ഒരു പ്രതിയായ ഷഹബാസ് ഹസനെ കോടതി കുറ്റക്കാരനല്ലെന്ന് കണ്ടെത്തി വെറുതെ വിട്ടിരുന്നു.
ഒരേ ദിവസം ഒമ്പത് ഇടങ്ങളിലാണ് സ്ഫോടനം ഉണ്ടായത്. പത്തിടത്താണ് സ്ഫോടന വസ്തുക്കള് സ്ഥാപിച്ചിരുന്നത്. ഒരെണ്ണം പൊട്ടിത്തെറിച്ചില്ല.
നേരത്തെ, ഫെബ്രുവരി 2018ല് ഇന്ത്യന് മുജാഹിദീന് ഭീകരനായ ആരിസ് ഖാന് അലിയാസ് ജുനൈദിനെ ഡല്ഹി സ്പെഷ്യല് സെല് അറസ്റ്റ് ചെയ്തിരുന്നു. ഡല്ഹി, ജയ്പൂര്, അഹമ്മദാബാദ്, ഉത്തര്പ്രദേശ് കോടതി എന്നിവിടങ്ങളിലെ സ്ഫോടനത്തിനു പിന്നിലെ സൂത്രധാരന് ഇയാളാണെന്നും അന്വേഷണ സംഘം കണ്ടെത്തിയിരുന്നു.
ആരിസ് ഖാന് ആതിഫ് അമീന് എന്നയാള്ക്കൊപ്പം ഉഡുപ്പിയില് നിന്ന് സ്ഫോടന വസ്തുക്കള് ശേഖരിച്ചതായും അന്വേഷണ സംഘം കണ്ടെത്തി.
Discussion about this post