തിരുവനന്തപുരം: കോഴിക്കോട് മാവോയിസ്റ്റ് ബന്ധമാരോപിച്ച് പൊലീസ് അറസ്റ്റ് ചെയ്ത സിപിഎം പ്രവര്ത്തകരായ അലന് ഷുഹൈബും, താഹയും പരിശുദ്ധരാണെന്ന അഭിപ്രായം തനിക്കില്ലെന്ന് മേുഖ്യമന്ത്രി പിണറായി വിജയന്.അവരെന്തോ പരിശുദ്ധന്മാരാണെന്നും ഒരു തെറ്റും ചെയ്യാത്തവരാണെന്നുമുള്ള ധാരണവേണ്ട. ചായകുടിക്കാന് പോയപ്പോള് പിടിച്ചതാണെന്ന് ആരും കരുതേണ്ടതില്ല. . യുഎപിഎ ചുമത്തിയത് മഹാപരാധമാണെന്ന അഭിപ്രായം തനിക്കില്ലെന്നും പിണറായി വാര്ത്താസമ്മേളനത്തില് പറഞ്ഞു.
നിയമവ്യവസ്ഥയനുസരിച്ചാണ് എന്ഐഎ കേസെടുത്തതെന്നും പിണറായി പറഞ്ഞു. കേരള പൊലീസിന്റെ പരിധിയിലുണ്ടായിരുന്ന കേസ് എന്ഐഎയ്ക്ക് എപ്പോള് വേണമെങ്കിലും ഏറ്റെടുക്കാമെന്നതാണ് യുഎപിഎ നിയമത്തിന്റെ ഏറ്റവും വലിയ അപകടം. കേസ് ഏറ്റെടുക്കാന് നമ്മള് ആവശ്യപ്പെട്ടിട്ടില്ലെന്നും പിണറായി പറഞ്ഞു. ഇടതുമുന്നണി യുഎപിഎയ്ക്കെതിരാണ്. എന്നാല് മുന്പും ഇടത് ഭരണകാലത്ത് യുഎപിഎ ചുമത്തി കേസെടുത്തിട്ടുണ്ടെന്നും പിണറായി പറഞ്ഞു.
Discussion about this post