പൗരത്വ നിയമം നടപ്പിലാക്കുന്നതിനെ ശക്തമായി അനുകൂലിച്ച് ബോളിവുഡ് നടൻ അനുപം ഖേർ.ജനാധിപത്യ രീതിയിൽ, ജനങ്ങളാൽ തിരഞ്ഞെടുക്കപ്പെട്ട ഭരണകൂടത്തിനെതിരെ രാഷ്ട്രവിരുദ്ധ ശക്തികൾ നടത്തുന്ന വിഷം വമിപ്പിക്കുന്ന ക്യാംപെയിനുകളെ സൂക്ഷിക്കണമെന്നും അനുപംഖേർ ജനങ്ങളോട് ആഹ്വാനം ചെയ്തു. തന്റെ ഇൻസ്റ്റഗ്രാം അക്കൗണ്ടിൽ പോസ്റ്റ് ചെയ്ത വീഡിയോയിലൂടെയാണ് അനുപം ഖേർ ഇക്കാര്യം വെളിപ്പെടുത്തിയത്
ചില രാഷ്ട്ര വിരുദ്ധർ ജനങ്ങളിൽ ആശയക്കുഴപ്പമുണ്ടാക്കുന്നുണ്ടെന്നും, അസഹിഷ്ണുത, അവാർഡ് വാപ്പസി,റഫാൽ അഴിമതി എന്നിങ്ങനെ കൃത്യമായ കുപ്രചരണങ്ങളെ ആയുധമാക്കി കഴിഞ്ഞ ആറു വർഷമായി ജനങ്ങൾ തെരഞ്ഞെടുത്ത ഗവൺമെന്റിന്റെ അസ്ഥിരപ്പെടുത്താൻ ശ്രമിക്കുന്നവരെ യാതൊരു കാരണവശാലും ജയിക്കാൻ അനുവദിക്കരുതെന്നും അദ്ദേഹം പറഞ്ഞു.
വിദ്യാർത്ഥികളെ ഒരു പരിചയായി ഉപയോഗിച്ച് അവർക്ക് പിന്നിൽ ഒളിച്ചിരിക്കുന്ന ഇത്തരം ഛിദ്രശക്തികളെ സൂക്ഷിക്കണമെന്നും രണ്ടര മിനിറ്റ് ദൈർഘ്യമുള്ള വീഡിയോയിൽ അദ്ദേഹം ജനങ്ങൾക്ക് മുന്നറിയിപ്പ് നൽകി.
Discussion about this post