ഡല്ഹി: പൗരത്വ ഭേദഗതി നിയമത്തിനെതിരെ സംസ്ഥാന സര്ക്കാര് സുപ്രീംകോടതിയില്. നിയമം റദ്ദാക്കണമെന്ന് ആവശ്യപ്പെട്ട് സൂട്ട് ഹര്ജി നല്കി. പൗരത്വ നിയമം വിവേചനപരവും ഭരണഘടനാ വിരുദ്ധവുമാണ്. ജനങ്ങളെ ഭിന്നിപ്പിക്കുന്നതാണ് നിയമമെന്നും സര്ക്കാര് ഹര്ജിയില് പറഞ്ഞു.
നിയമം ഭരണഘടനാ വിരുദ്ധമാണെന്ന് പ്രഖ്യാപിക്കണമെന്നാണ് സംസ്ഥാന സര്ക്കാറിന്റെ ആവശ്യം. ഭരണഘടനയുടെ അനുഛേദം 131 പ്രകാരമാണ് സംസ്ഥാന സര്ക്കാറിന്റെ ഹരജി. നിയമത്തിനെതിരെ ആദ്യമായാണ് ഒരു സംസ്ഥാനം കോടതിയെ സമീപിക്കുന്നത്.
പൗരത്വ ഭേദഗതി നിയമത്തിനെതിരെ കേരള നിയമസഭ പ്രമേയം പാസാക്കുകയും ചെയ്തിരുന്നു. ഇതിന് പിന്നാലെയാണ് സംസ്ഥാന സര്ക്കാര് കോടതിയെ സമീപിച്ചിരിക്കുന്നത്.
Discussion about this post