-
ഏപ്രിൽ മാസത്തിൽ നേപ്പാളിൽ നടക്കുന്ന സാഗർമാതാ സംബാദ് പരിസ്ഥിതി സമ്മേളനത്തിന് ഇന്ത്യൻ പ്രധാനമന്ത്രി നരേന്ദ്രമോദിയെ ക്ഷണിച്ച് നേപ്പാൾ സർക്കാർ. കാലാവസ്ഥാ വ്യതിയാനങ്ങൾ, പർവ്വതങ്ങൾ, മനുഷ്യകുലത്തിന്റെ ഭാവി എന്നതാണ് പ്രധാന അജണ്ടകൾ. എല്ലാ സാർക്ക് അംഗ രാഷ്ട്രങ്ങളെയും പങ്കെടുപ്പിച്ചു കൊണ്ട് നടത്തുന്ന ഈ ഉച്ചകോടിയുടെ ആദ്യഘട്ടം ഏപ്രിൽ 2 മുതൽ 4 വരെയാണ്. നേപ്പാൾ വിദേശകാര്യ മന്ത്രി പ്രദീപ് ഗ്യാവാലി ഇക്കാര്യം ഔദ്യോഗികമായി സ്ഥിരീകരിച്ചു.
രാഷ്ട്രത്തലവന്മാർ, വിവിധ സംഘടന തലവന്മാർ, പരിസ്ഥിതി പ്രവർത്തകർ, പരിസ്ഥിതി സംഘടനകൾ, വിദ്യാർഥികൾ, ബുദ്ധിജീവികൾ, ആക്ടിവിസ്റ്റുകൾ എന്നിവരെ പങ്കെടുപ്പിച്ചുകൊണ്ട് രണ്ടു വർഷത്തിലൊരിക്കൽ നടക്കുന്ന പരിസ്ഥിതി മേളയാണ് സാഗർമാതാ സംബാദ്.
Discussion about this post