രാജ്യം റിപ്പബ്ളിക് ദിനം ആഘോഷിക്കുന്ന വേളയിൽ, നേപ്പാളിന് ഇന്ത്യയുടെ സ്നേഹ സമ്മാനം. നേപ്പാളിൽ പ്രവർത്തിക്കുന്ന വിവിധ സന്നദ്ധ സംഘടനകൾക്കും സ്കൂളുകളുമായി 30 ആംബുലൻസുകളും 6 ബസ്സുകളും ഇന്ത്യൻ ഗവൺമെന്റ് കൈമാറി. റിപ്പബ്ലിക് ദിനാഘോഷ ചടങ്ങുകൾക്ക് ശേഷം കാഠ്മണ്ഡുവിലെ ഇന്ത്യൻ എംബസിയിൽ വച്ചാണ് ഇവ കൈമാറിയത്.
ഇന്ത്യ നേപ്പാളിനു സഹായം നൽകുന്നത് ഇത് ആദ്യമായല്ല. ഇതുവരെ നിരവധി വിദ്യാഭ്യാസ സംഘടനകൾക്കും ആതുരാലയങ്ങൾക്കുമായി ഇന്ത്യ 782 ആംബുലൻസുകളും 154 ബസ്സുകളും നൽകിയിട്ടുണ്ട്.നേപ്പാളിലെ 51 ലൈബ്രറികളിലേക്കുള്ള പുസ്തകങ്ങളും ഇന്ത്യൻ എംബസി വിതരണം ചെയ്തു.നേപ്പാളിന്റെ 77 ജില്ലകളിലായി വിദ്യാഭ്യാസ രംഗത്തും ആതുര സേവന രംഗത്തും ഇന്ത്യയുടെ നിർലോഭ സഹായസഹകരണങ്ങൾ ഉണ്ടായിട്ടുണ്ട്.
Discussion about this post