പത്തനംതിട്ടയിൽ ബിജെപി സ്ഥാനാർഥിയായി മത്സരിച്ച കെ സുരേന്ദ്രനെ തോൽപ്പിച്ചത് വെള്ളാപ്പള്ളി നടേശനും, മകൻ തുഷാർ വെള്ളാപ്പള്ളിയുമാണെന്ന് സ്പൈസസ് ബോർഡ് ചെയർമാൻ സുഭാഷ് വാസു. എസ്.എൻ.ഡി.പി ജനറൽ കൺവീനർ വെള്ളാപ്പള്ളി നടേശനും, എൻ.ഡി.എ കൺവീനർ തുഷാർ വെള്ളാപ്പള്ളിയും നടത്തുന്ന കൊള്ളരുതായ്മകൾ മറച്ചുവെക്കാനുള്ള രാഷ്ട്രീയ വഴിയാണ് അവരുടെ ബി.ഡി.ജെ.എസ് എന്ന പാർട്ടിയെന്നും സുഭാഷ് വാസു ആരോപിച്ചു.
ഏറെ വിജയപ്രതീക്ഷ ഉണ്ടായിരുന്ന പത്തനംതിട്ട മണ്ഡലത്തിലെ സകല ബിജെപി പ്രവർത്തകരുടെയും ആത്മവിശ്വാസം നഷ്ടപ്പെടുത്തുന്ന നടപടികളാണ് അച്ഛനും മകനും സ്വീകരിച്ചത്.ആരൂർ നിയമസഭയിലേക്കുള്ള ഉപതെരഞ്ഞെടുപ്പിലും ഇതേ നയമായിരുന്നു ഇരുവർക്കുമെന്നും സുഭാഷ് വാസു തുറന്നടിച്ചു.തുടർച്ചയായി മുന്നണി വിരുദ്ധ നടപടികൾ തുടരുന്ന സാഹചര്യത്തിൽ, തുഷാർ വെള്ളാപ്പള്ളിയെ കൺവീനർ സ്ഥാനത്തു നിന്നും മാറ്റണമെന്നാവശ്യപ്പെട്ടു ബി.ജെ.പിക്ക് കത്ത് നൽകുമെന്നും സുഭാഷ് വാസു പറഞ്ഞു.
Discussion about this post