പ്രതിപക്ഷത്തിന് കടുത്ത ബഹളങ്ങൾക്കിടയിലും അടിപതറാതെ ഗവർണർ ആരിഫ് ഖാൻ. പ്രതിഷേധങ്ങൾക്കിടയിലും നിയമസഭയിൽ, സമ്പൂർണ്ണ പേപ്പർ രഹിത ഇ-സഭ പദ്ധതി ഗവർണർ ആരിഫ് ഖാൻ ഉദ്ഘാടനം ചെയ്തു.നിയമസഭാംഗങ്ങളെ ആശ്ചര്യപ്പെടുത്തിക്കൊണ്ട് മലയാളത്തിലാണ് ഗവർണർ സംസാരിച്ചത്.
“ബഹുമാനപ്പെട്ട സ്പീക്കർ, ബഹുമാനപ്പെട്ട മുഖ്യമന്ത്രി ബഹുമാനപ്പെട്ട മന്ത്രിമാരെ, ബഹുമാനപ്പെട്ട സാമാജികരെ, കേരള നിയമസഭയുടെ നൂതന സംരംഭമായ ഇ-സഭ പദ്ധതിയുടെ പ്രഖ്യാപനം നടത്താൻ അതിയായ സന്തോഷമുണ്ട്. കേരള നിയമസഭയിൽ കടലാസ് രഹിതമാക്കാനുള്ള ഈ പദ്ധതി നടപ്പാക്കാൻ തീരുമാനിച്ച ബഹുമാനപ്പെട്ട സ്പീക്കർക്കും, സാമാജികർക്കും നിയമസഭാ ജീവനക്കാർക്കും എന്റെ അഭിനന്ദനം. ” എന്ന് മലയാളത്തിൽ സംസാരിച്ച ഗവർണർ, ശേഷം ഇംഗ്ലീഷിൽ നയപ്രഖ്യാപന പ്രസംഗം തുടങ്ങുകയും ചെയ്തു.
നിയമസഭയിൽ അവതരിപ്പിക്കപ്പെടുന്ന എന്തിന്റെയും ഇ-പതിപ്പ് യഥാസമയം സാമാജികരുടെ മേശപ്പുറത്ത് എത്തുന്ന പദ്ധതിയാണ് ഇ-സഭ പദ്ധതി. ഗവർണറോ മന്ത്രിയോ ഒരു പേജ് വായിക്കുമ്പോൾ, അംഗങ്ങളുടെ മുന്നിലുള്ള സ്ക്രീനിൽ തൊട്ടുമുമ്പത്തെ പേജ് തെളിയും. സംപ്രേഷണത്തിൽ ചെറിയൊരു താമസം സൃഷ്ടിക്കുന്നത് വഴി രേഖയുടെ രഹസ്യ സ്വഭാവം സംരക്ഷിക്കാൻ സാധിക്കും.
Discussion about this post