ഡല്‍ഹി: നിര്‍ഭയ കേസില്‍ പ്രതികളുടെ വധശിക്ഷ സ്റ്റേ ചെയ്തതിന് കാരണം ഡല്‍ഹി മുഖ്യമന്ത്രി അരവിന്ദ് കെജ്രിവാളാണെന്ന് നിര്‍ഭയയുടെ അച്ഛന്‍. ഡല്‍ഹി പട്യാല കോടതി ആണ് ഇനിയൊരു ഉത്തരവുണ്ടാകുന്നത് വരെ വധശിക്ഷ സ്റ്റേ ചെയ്തത്. പ്രതികളിലൊരാളായ അക്ഷയ് സിംഗ് നല്‍കിയ ഹര്‍ജിയിലാണ് കോടതി സ്റ്റേ വിധിച്ചിരിക്കുന്നത്.
ഡല്‍ഹി തിരഞ്ഞെടുപ്പ് നടക്കാനിരിക്കെ ഇക്കാര്യം ജനങ്ങള്‍ ആലോചിക്കണമെന്നും അദ്ദേഹം പറഞ്ഞു. രാജ്യത്ത് സ്ത്രീകളുടെ സുരക്ഷിതത്വം ഉറപ്പാക്കണമെന്നും അദ്ദേഹം ആവശ്യപ്പെട്ടു.
കോടതിയും സര്‍ക്കാരും കുറ്റവാളികള്‍ക്കൊപ്പമാണ് നില്‍ക്കുന്നതെന്ന് നിര്‍ഭയയുടെ അമ്മ ആശാദേവി കോടതി വിധിക്ക് പിന്നാലെ പ്രതികരിച്ചിരുന്നു ഇവര്‍ക്ക് ശിക്ഷ നല്‍കിയില്ലെങ്കില്‍ ഭരണഘടന തന്നെ കത്തിച്ചുകളയണമെന്നും അവര്‍ ആവശ്യപ്പെട്ടിരുന്നു. നിര്‍ഭയ കേസ് രാഷ്ട്രീയലാഭത്തിനു വേണ്ടി ഉപയോഗിക്കുകയാണെന്നും മാതാപിതാക്കള്‍ കുറ്റപ്പെടുത്തിയിരുന്നു.
നിര്‍ഭയ കേസിലെ നാല് പ്രതികളെയും നാളെ രാവിലെ ആറുമണിക്ക് തൂക്കിലേറ്റാനിരിക്കവെയാണ് പട്യാല ഹൗസ് കോടതി സ്റ്റേ ചെയ്ത് ഉത്തരവിറക്കിയത്. വധശിക്ഷ ഇനിയൊരു ഉത്തരവ് ഉണ്ടാവുന്നത് വരെയാണ് നീട്ടിവെച്ചിരിക്കുന്നത്.
Discussion about this post