കശ്മീർ ഇന്ത്യയുടെ അവിഭാജ്യ ഘടകമാണെന്നും ഇന്ത്യയുടെ ആഭ്യന്തര കാര്യങ്ങളിൽ ഇടപെടേണ്ട എന്നും തുർക്കിക്ക് ശക്തമായ താക്കീത് നൽകി ഇന്ത്യ.വിദേശകാര്യ മന്ത്രാലയത്തിന് ഔദ്യോഗിക വക്താവ് രവീഷ് കുമാറാണ് ഇക്കാര്യം പുറത്തുവിട്ടത്. തുർക്കിയുടെ പ്രസിഡന്റ് റസപ് ത്വയിപ് എർദൊഗാൻ, പാകിസ്ഥാൻ പാർലമെന്റിൽ അവതരിപ്പിക്കപ്പെട്ട കാശ്മീർ പ്രശ്നത്തിൽ തുർക്കിയുടെ പിന്തുണ പ്രഖ്യാപിച്ചപ്പോഴാണ് ഇന്ത്യൻ വിദേശകാര്യ മന്ത്രാലയം ശക്തമായി പ്രതികരിച്ചത്.രണ്ടുദിവസത്തെ പാകിസ്ഥാൻ സന്ദർശനത്തിന് എത്തിയതായിരുന്നു തുർക്കി പ്രസിഡന്റ് എർദൊഗാൻ.
“കശ്മീരിൽ നടക്കുന്ന വസ്തുതകളെക്കുറിച്ച് പൂർണമായ ബോധ്യം വേണം, പാകിസ്ഥാൻ പിന്തുണയോടെ താഴ്‌വരയിൽ നടക്കുന്ന തീവ്രവാദപ്രവർത്തനങ്ങളുടെ കാര്യങ്ങളടക്കം മനസ്സിലാക്കണം.ഇതൊന്നുമറിയാതെ,അനാവശ്യമായി ഭാരതത്തിന്റെ ആഭ്യന്തര കാര്യങ്ങളിൽ ഇടപെടരുത്.മറ്റാർക്കും കീഴ്പ്പെടുത്താൻ സാധിക്കാതെ, കശ്മീർ ഇന്ത്യയുടെ അവിഭാജ്യ ഘടകമായിത്തന്നെ നിലകൊള്ളും” എന്നായിരുന്നു രവീഷ് കുമാറിന്റെ പ്രതികരണം.
