ബിജെപി സംസ്ഥാന അധ്യക്ഷ സ്ഥാനത്തേക്ക് എത്തുന്ന ഏറ്റവും പ്രായകുറഞ്ഞ വ്യക്തിയാവുകയാണ് കെ സുരേന്ദ്രന്. കേരളത്തില് ബിജെപിയ്ക്ക് ഏറ്റവും ജനസ്വാധീനമുള്ള യുവ നേതാവ് പാര്ട്ടി അമരത്ത് എത്തുന്നത് ബിജെപിയ്ക്ക് വലിയ കരുത്താകുമെന്ന് ഉറപ്പാണ്.
49 വയസ്സുകാരനായ കെ സുരേന്ദ്രന്റെ പേര് നേരത്തെ തന്നെ സംസ്ഥാന അധ്യക്ഷ സ്ഥാനത്തേക്ക് പരിഗണിച്ചിരുന്നു. വി മുരളീധരന് പിറകെ കുമ്മനം രാജശേഖരന് സംസ്ഥാന അധ്യക്ഷനാവുമ്പോള് കെ സുരേന്ദ്രന്റെ പേര് അധ്യക്ഷ സ്ഥാനത്തേക്ക് പറഞ്ഞു കേട്ടിരുന്നു. എന്നാല് വിഭാഗീയത ശക്തമായിരുന്ന ബിജെപി സംസ്ഥാന ഘടകത്തില് ഐക്യം കൊണ്ടുവരാന് മുതിര്ന്ന ആര്എസ്എസ് നേതാവായ കുമ്മനം രാജശേഖരന് നറുക്ക് വീഴുകയായിരുന്നു. പിന്നീട് കുമ്മനം മിസോറാം ഗവര്ണറായി നിയോഗിക്കപ്പെട്ട് പാര്ട്ടി അധ്യക്ഷ സ്ഥാനം രാജിവച്ചപ്പോഴും കേ സുരേന്ദ്രന്റെ പേര് ഉയര്ന്നു. എന്നാല് മുതിര്ന്ന നേതാവ് അഡ്വ. പി.എസ് ശ്രീധരന് പിള്ളയ്ക്ക് ഒരവസരം കൂടി നല്കാനായിരുന്നു ദേശീയ നേതൃത്വത്തിന്റെ തീരുമാനം.
പിന്നീട് ശബരിമല പ്രക്ഷോഭത്തിന്റെ നായകനായ കെ സുരേന്ദ്രന് ഉയര്ന്നതോടെ അദ്ദേഹത്തെ സംസ്ഥാന അധ്യക്ഷനാക്കുന്നത് ഗുണം ചെയ്യുമെന്ന വികാരം പാര്ട്ടി അണികള്ക്കിടയിലുണ്ടായി. ശബരിമല യുവതീ പ്രവേശത്തിനെതിരായ സമരത്തിന്റെ ഭാഗമായി 22 ദിവസം ജയില്ശിക്ഷ അനുഭവിച്ചിരുന്നു. ആര്എസ്എസിന്റെ സ്വീകാര്യതയും സുരേന്ദ്രനുണ്ടായി. ലോകസഭ തെരഞ്ഞെടുപ്പില് ബിജെപി മുന്നേറ്റത്തിന്റെ ആവേശമാകാനും സുരേന്ദ്രന് കഴിഞ്ഞു. ഇതോടെ അമിത് ഷായുടെ ശ്രദ്ധ സുരേന്ദ്രനില് പതിയുകയായിരുന്നു.
യുവ നേതാവ് പാര്ട്ടി അധ്യക്ഷ സ്ഥാനത്ത് വേണെന്ന ബിജെപിയുടെ പൊതു നിലപാടും സുരേന്ദ്രന് തുണയായി. അഡ്വക്കറ്റ് പി.എസ് ശ്രീധരന് പിള്ള സ്ഥാനമൊഴിഞ്ഞതിന് പിറകെ പാര്ട്ടി കീഴ് ഘടകങ്ങള് ബിജെപി ശക്തമാക്കിയിരുന്നു. പുതിയ അധ്യക്ഷന്റെ വരവിന് സുഗമമായ വഴിയൊരുക്കുന്നതിനായായിരുന്നു ഇത്.
സിഎഎ അനുകൂല വികാരം കേരളത്തില് ശക്തമായതിന് പിറകെ പുതിയ അധ്യക്ഷന് ഉടന് വേണമെന്ന ആവശ്യം ഉയര്ന്നിരുന്നു. കെ സുരേന്ദ്രന് ചുതലയേല്ക്കുന്നതോടെ ഇതിന് പരിഹാരമാവുകയാണ്. തദ്ദേശ തെരഞ്ഞെടുപ്പ് ഒരുക്കങ്ങള് നടക്കാനിരിക്കെ സുരേന്ദ്രന് നേതൃത്വത്തിലെത്തുന്നത് പാര്ട്ടിയ്ക്കകത്ത് പ്രത്യേകിച്ചു യുവാക്കള്ക്കിടയില് വലിയ ആവേശം ഉണ്ടാക്കും. ഗ്രൂപ്പുകള്ക്കതീതമായ പൊതുവികാരം ഉണര്ത്താനും സുരേന്ദ്രന് കഴിയുമെന്നാണ് വിലയിരുത്തല്.
നിലവില് സംസ്ഥാന ജനറല് സെക്രട്ടറിയാണു സുരേന്ദ്രന്. കോഴിക്കോട് ഉള്ള്യേരി സ്വദേശിയാണ്. ഭാര്യ: ഷീബ. മക്കള്- ഹരികൃഷ്ണന്, ഗായത്രിദേവി. ഗുരുവായൂരപ്പന് കോളജില്നിന്ന് രസതന്ത്രത്തില് ബിരുദം നേടിയ സുരേന്ദ്രന് എബിവിപിയിലൂടെയാണു രാഷ്ട്രീയ പ്രവേശം നടത്തിയത്. യുവമോര്ച്ച സംസ്ഥാന അധ്യക്ഷപദവിയില് ഏറെ ശ്രദ്ധേയനായി. 3 തവണ ലോക്സഭയിലേക്കും 3 തവണ നിയമസഭയിലേക്കും മത്സരിച്ചു. നിയമസഭ തെരഞ്ഞെടുപ്പില് മഞ്ചേശ്വരത്ത് എണ്പതോളം വോട്ടുകള്ക്കാണ് സുരേന്ദ്രന് വിജയം നഷ്ടപ്പെട്ടത്. ലോകസഭ തിരഞ്ഞെടുപ്പില് പത്തനംതിട്ടയില് ആവേശം നിറഞ്ഞ മത്സരം കാഴ്ച വെക്കാനും സുരേന്ദ്രന് കഴിഞ്ഞു.
Discussion about this post