ഡൽഹി: ഡൽഹി മുഖ്യമന്ത്രിയായി സത്യപ്രതിജ്ഞ ചെയ്ത ആം ആദ്മി പാർട്ടി നേതാവ് അരവിന്ദ് കെജ്രിവാളിന് ആശംസകൾ അറിയിച്ച് പ്രധാനമന്ത്രി നരേന്ദ്ര മോദി. ഭരണകാലഘട്ടം ഫലപ്രദമായി വിനിയോഗിക്കാൻ കെജ്രിവാളിന് സാധിക്കട്ടെയെന്ന് പ്രധാനമന്ത്രി ട്വീറ്റ് ചെയ്തു.
I congratulate Shri @ArvindKejriwal on taking oath as Delhi’s CM earlier today. Best wishes to him for a fruitful tenure.
— Narendra Modi (@narendramodi) February 16, 2020
എല്ലാ ഭാരതീയർക്കും അഭിമാനിക്കാവുന്ന തരത്തിൽ ഡൽഹിയെ വികസനപാതയിൽ മുന്നോട്ട് കൊണ്ട് പോകാൻ ഒരുമിച്ച് പ്രവർത്തിക്കാൻ പ്രധാനമന്ത്രിയെ ക്ഷണിക്കുന്നതായി കെജ്രിവാൾ അറിയിച്ചു. ഡൽഹിയുടെ വികസനത്തിനായി പ്രവർത്തിക്കാൻ പ്രധാനമന്ത്രിയുടെ അനുഗ്രഹം പ്രതീക്ഷിക്കുന്നതായും അദ്ദേഹം പറഞ്ഞു. പ്രധാനമന്ത്രിയെ താൻ സത്യപ്രതിജ്ഞയ്ക്ക് ക്ഷണിച്ചിരിന്നുതായും എന്നാൽ അദ്ദേഹത്തിന്റെ തിരക്ക് താൻ മനസ്സിലാക്കുന്നതായും കെജ്രിവാൾ ട്വിറ്ററിൽ കുറിച്ചു.
Thank you for the warm wishes sir. I wish you could come today, but I understand you were busy. We must now work together towards making Delhi a city of pride for all Indians https://t.co/hHFvH8cLCJ
— Arvind Kejriwal (@ArvindKejriwal) February 16, 2020
തുടർച്ചയായ മൂന്നാം തവണയാണ് ആം ആദ്മി പാർട്ടി കൺവീനറായ അരവിന്ദ് കെജ്രിവാൾ ഡൽഹിയുടെ മുഖ്യമന്ത്രിയായി ചുമതല ഏൽക്കുന്നത്. സെൻട്രൽ ഡൽഹിയിലെ രാംലീല മൈതാനിയിലായിരുന്നു സത്യപ്രതിജ്ഞ ചടങ്ങുകൾ.
Discussion about this post