കൊല്ലത്തു നിന്നും കാണാതായ ആറുവയസ്സുകാരി ദേവനന്ദയെന്ന കുട്ടിക്ക് വേണ്ടിയുള്ള തിരച്ചിൽ വ്യാപകമാക്കി കേരള പോലീസ്. കുട്ടിയെ കണ്ടെത്താൻ വേണ്ടി പോലീസ് ലുക്ക് ഔട്ട് നോട്ടീസ് പുറപ്പെടുവിച്ചു.അന്വേഷണത്തിനായി ചാത്തന്നൂർ എസ്.പിയുടെ നേതൃത്വത്തിൽ പ്രത്യേക സംഘത്തെ രൂപീകരിച്ചിട്ടുണ്ട്.ജില്ലാ,സംസ്ഥാന അതിർത്തികളിലും, ബസ്, റെയിൽവേ സ്റ്റേഷനുകളിലും പോലീസ് പരിശോധന ശക്തമാക്കി.
വ്യാഴാഴ്ച കാലത്ത് പത്തു മണിയോടെയാണ് സ്വന്തം വീട്ടിൽ നിന്നും ദേവനന്ദയെ കാണാതായത്. സംഭവ സമയത്ത് കുട്ടിയുടെ അമ്മ മാത്രമാണ് വീട്ടിലുണ്ടായിരുന്നത്. ദേവനന്ദ ഉമ്മറത്തിരുന്ന് കളിച്ചു കൊണ്ടിരിക്കെ വീടിനു പുറകിൽ തുണി കഴുകുകയായിരുന്ന ഇവർ, കുറച്ചു നേരമായി കുട്ടിയുടെ ശബ്ദം കേൾക്കാഞ്ഞ് ചെന്ന് നോക്കുമ്പോഴാണ് കുട്ടിയെ കാണാനില്ലെന്ന് അറിഞ്ഞത്. കുട്ടിയെ കാണാനില്ലെന്ന് അറിഞ്ഞതോടെ പോലീസുകാരും നാട്ടുകാരും വ്യാപകമായ അന്വേഷണമാണ് നടത്തുന്നത്. കുട്ടിയെ കാണാതായതോടെ സോഷ്യൽ മീഡിയയും വ്യാപകമായി അന്വേഷണ രംഗത്തുണ്ട്.കൊല്ലം ഇളവൂരിലെ പ്രദീപ്-ധന്യ ദമ്പതിമാരുടെ മകളാണ് ദേവനന്ദ.
Discussion about this post