സമൂഹമാധ്യമങ്ങളിലെ അക്കൗണ്ടുകള് ഉപേക്ഷിക്കില്ലെന്ന് പ്രധാനമന്ത്രി നരേന്ദ്രമോദി. സമുഹമാധ്യമങ്ങളിലെ മാര്ച്ച് എട്ടിന് വനിതകള് തന്റെ സോഷ്യല് മീഡിയ അക്കൗണ്ടുകള് കൈകാര്യം ചെയ്യുമെന്നും പ്രധാനമന്ത്രി അറിയിച്ചു.
പ്രധാനമന്ത്രി സോഷ്യല് മീഡിയ അക്കൗണ്ടുകള് ഉപേക്ഷിക്കുന്നുവെന്നും, ഞായറാഴ്ച ഇക്കാര്യത്തില് തീരുമാനമെടുക്കുമെന്നുമായിരുന്നു നേരത്തെ പുറത്ത് വന്ന റിപ്പോര്ട്ടുകള്. ഞായറാഴ്ച മാത്രം അക്കൗണ്ടുകള് ഉപേക്ഷിക്കുന്നു എന്ന വിലയിരുത്തലും പുറത്ത് വന്നു. ഇതിന് പിറകെയാണ് ഇപ്പോള് പ്രധാനമന്ത്രിയുടെ വിശദീകരണം. മാര്ച്ച് എട്ട് വനിതാ ദിനമാണ്, അന്ന് തന്റെ അക്കൗണ്ടുകള് വനിതകള് കൈകാര്യം ചെയ്യുമെന്ന് പ്രധാനമന്ത്രി അറിയിച്ചു.
ജനങ്ങളെ പ്രചോദിപ്പിക്കുന്ന സ്ത്രീകളുടെ ജീവിതകഥകള് സോഷ്യല്മീഡിയയില് പോസ്റ്റ് ചെയ്യാം. #SheInspiresUs എന്ന ഹാഷ് ടാഗിലാണ് സ്റ്റോറികള് പോസ്റ്റ് ചെയ്യേണ്ടത്. ഇതില് നിന്നും തിരഞ്ഞെടുക്കപ്പെടുന്നവര്ക്ക് മോദിയുടെ സോഷ്യല്മീഡിയ അക്കൗണ്ടുകള് ‘കൈകാര്യം’ചെയ്യാം
This Women's Day, I will give away my social media accounts to women whose life & work inspire us. This will help them ignite motivation in millions.
Are you such a woman or do you know such inspiring women? Share such stories using #SheInspiresUs. pic.twitter.com/CnuvmFAKEu
— Narendra Modi (@narendramodi) March 3, 2020
വനിതാ ദിനത്തില് ലക്ഷക്കണക്കിന് വനിതകള്ക്ക് ഇത് പ്രചോദനമാകും. ഷെയര് ഇന്സ്പെയര് ആസ് എന് ഹാഷ്ടാഗ് വഴി വീഡിയൊകള് പോസ്റ്റ് ചെയ്യാന് അവകരമൊരുങ്ങുമെന്നും നരേന്ദ്രമോദി അറിയിച്ചു.
ഇന്നലെ രാത്രിയാണ് സോഷ്യല്മീഡിയ ഉപയോഗത്തില് മാറ്റം വരുത്താന് ആലോചിക്കുന്നുവെന്ന് പ്രധാനമന്ത്രി ട്വീറ്റ് ചെയ്തത്. പ്രധാനമന്ത്രിയുടെ പ്രഖ്യാപനത്തെ തുടര്ന്ന് അദ്ദേഹം സോഷഅയല് മീഡിയ അക്കൗണ്ടുകള് ഉപേക്ഷിക്കുന്നു തുടങ്ങി നിരവധി ഊഹാപോഹങ്ങളും ഉയര്ന്നിരുന്നു.
