ഡൽഹി കലാപങ്ങൾക്കിടയിൽ പൊലീസുകാരെ കൂട്ടമായി ലക്ഷ്യമിട്ട് ആക്രമിച്ച ജനക്കൂട്ടത്തിൽ പലരെയും തിരിച്ചറിഞ്ഞെന്ന് ഡൽഹി പോലീസ്.ഫെബ്രുവരി ഇരുപത്തിനാലിന് ഗോകുൽപുരിയ്ക്ക് സമീപം ചാന്ദ് ബാഗിലാണ് പോലീസ് ഉദ്യോഗസ്ഥർക്ക് നേരെ ആൾക്കൂട്ട ആക്രമണമുണ്ടായത്.കുറ്റവാളികളെ ഉടൻ തന്നെ പിടികൂടുമെന്നും കർശന നടപടികളുണ്ടാവുമെന്നും ഡൽഹി പോലീസ് വൃത്തങ്ങൾ വ്യക്തമാക്കി.
തിരിച്ചറിഞ്ഞവരെ കണ്ടെത്താൻ ശക്തമായ തിരച്ചിലിലാണ് ഡൽഹി പോലീസ്.പോലീസ് ഉദ്യോഗസ്ഥരെ ലക്ഷ്യം വച്ചു കൊണ്ടുള്ള ആക്രമണത്തിൽ,ഹെഡ് കോൺസ്റ്റബിളായ രത്തൻ ലാൽ കൊല്ലപ്പെട്ടിരുന്നു.എ.സി.പി അനൂജിനും ഡിസിപി അമിത് ശർമയ്ക്കും ഗുരുതരമായി പരിക്കേൽക്കുകയും ചെയ്തിരുന്നു.സംഭവത്തിന്റെ സിസിടിവി വീഡിയോ ദൃശ്യങ്ങൾ പൊതുമരാമത്ത് വകുപ്പ് ഡൽഹി പൊലീസിന് കൈമാറിയെന്നാണ് റിപ്പോർട്ടുകൾ വ്യക്തമാക്കുന്നത്.
Discussion about this post