രാഹുൽ ഗാന്ധിയുമായി പ്രശ്നങ്ങൾ സംസാരിക്കുവാൻ ജ്യോതിരാദിത്യ സിന്ധ്യ പരമാവധി ശ്രമിച്ചിരുന്നുവെന്ന് വെളിപ്പെടുത്തൽ. ജ്യോതിരാദിത്യ സിന്ധ്യയുടെ അടുത്ത ബന്ധവും ത്രിപുര മുൻ പിസിസി പ്രസിഡണ്ടുമായ പ്രദ്യോത് ദേബ് ബർമയാണ് ഈ പരാമർശവുമായി രംഗത്തു വന്നിരിക്കുന്നത്.
“ഇന്നലെ അർദ്ധരാത്രി ഞാൻ ജ്യോതിരാദിത്യ സിന്ധ്യയുമായി ബന്ധപ്പെട്ടിരുന്നു. താൻ രാഹുൽഗാന്ധിയെ കാണാൻ മാസങ്ങളോളമായി ശ്രമിക്കുന്നുവെന്നും ഇതുവരെയും അതിന് സാധിച്ചിട്ടില്ലെന്നും സിന്ധു എന്നോട് പറഞ്ഞു.” എന്നാണ് പ്രദ്യോത് ബർമയുടെ വെളിപ്പെടുത്തൽ. ഞങ്ങളുടെ വാക്കു കേൾക്കാൻ താല്പര്യം ഇല്ലെങ്കിൽ പിന്നെ എന്തിനാണ് രാഹുൽഗാന്ധി ഞങ്ങളെ പാർട്ടിയിൽ ചേർത്തത് എന്നും പ്രദ്യോത് ചോദിക്കുന്നു.
ത്രിപുരയിലെ രാജകുടുംബാംഗമായ പ്രദ്യോത് ജ്യോതിരാദിത്യ സിന്ധ്യയുടെ അടുത്ത ബന്ധുവും സുഹൃത്തുമാണ്.കോൺഗ്രസ് പാർട്ടിയിൽ യുവ നേതാക്കളുടെ വീക്ഷണങ്ങളും നയപരിപാടികളും ചിലരാൽ ഒതുക്കപ്പെടുന്നുണ്ടെന്നും പ്രദ്യോത് വ്യക്തമാക്കി.
Discussion about this post