വിവാദങ്ങൾക്കും ഊഹാപോഹങ്ങൾക്കും വിരാമമിട്ടുകൊണ്ട് ജ്യോതിരാദിത്യ സിന്ധ്യ ബിജെപിയിൽ ചേർന്നു. ഡൽഹി ബിജെപി ആസ്ഥാനത്ത് നടന്ന ചടങ്ങിൽ ആണ് സിന്ധ്യ പാർട്ടിയിൽ ചേർന്നതായി ഔദ്യോഗികമായി പ്രഖ്യാപിച്ചത്.ബിജെപി ദേശീയ അധ്യക്ഷൻ ജെ.പി നദ്ദ സിന്ധ്യയെ അംഗത്വം നൽകി ഹാർദ്ദവമായി പാർട്ടിയിലേക്ക് സ്വാഗതം ചെയ്തു.
ബിജെപി ആസ്ഥാനത്തേക്ക് പുറപ്പെടുമ്പോൾ മുതൽ മാധ്യമപ്രവർത്തകർ ജ്യോതിരാദിത്യ സിന്ധ്യയെ പിന്തുടർന്നിരുന്നു. മധ്യപ്രദേശിൽ കമൽനാഥിന്റെ നേതൃത്വത്തിലുള്ള കോൺഗ്രസ് സർക്കാരുമായുള്ള അഭിപ്രായ ഭിന്നതയെ തുടർന്ന് ജ്യോതിരാദിത്യയെ രാജിവെച്ചിരുന്നു.ചൊവ്വാഴ്ച രാവിലെ അദ്ദേഹം പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തിയിരുന്നു. ജ്യോതിരാദിത്യ സിന്ധ്യ ക്ക് നരേന്ദ്രമോദി കേന്ദ്ര മന്ത്രിസ്ഥാനവും വാഗ്ദാനം ചെയ്തതായാണ് സൂചനകൾ പുറത്തു വരുന്നത്.
Discussion about this post