പടർന്നു പിടിക്കുന്ന കൊറോണ വൈറസ് ബാധയെ തുടർന്ന് അമേരിക്കയിൽ ദേശീയ അടിയന്തരാവസ്ഥ പ്രഖ്യാപിച്ചു. വെള്ളിയാഴ്ച, പ്രാദേശിക സമയം മൂന്നുമണിയോടെ വൈറ്റ് ഹൗസിൽ നടത്തിയ പത്രസമ്മേളനത്തിൽ അമേരിക്കൻ പ്രസിഡന്റ് ഡൊണാൾഡ് ട്രംപാണ് ഇക്കാര്യം ജനങ്ങളെ അറിയിച്ചത്.
പ്രതിരോധ പ്രവർത്തനങ്ങൾക്കായി ഫെഡറൽ ഫണ്ടിൽനിന്ന് അൻപതിനായിരം കോടി യു.എസ് ഡോളർ നൽകുമെന്നും അമേരിക്കൻ പ്രസിഡണ്ട് പ്രഖ്യാപിച്ചു. വരാൻ പോകുന്ന രണ്ടു മാസം വളരെ നിർണായകമാണെന്നും, വൈറസിനെ കുറിച്ച് പഠിച്ച് അമേരിക്ക അതിനെ അതിജീവിക്കുകയും ചെയ്യുമെന്നും ട്രംപ് വ്യക്തമാക്കി.അമേരിക്കൻ പൗരന്മാർക്ക് ആവശ്യമുള്ളതും അവകാശപ്പെട്ടതുമായ വൈദ്യസഹായം ലഭിക്കുന്നതിന് വിഘാതമായ എന്തിനെയും നീക്കം ചെയ്യുമെന്നും ട്രംപ് പറഞ്ഞു.
