പാണ്ടിക്കാട്: ആരോഗ്യ വകുപ്പ് മന്ത്രി കെ കെ ശൈലജക്കെതിരെ സാമൂഹ്യ മാധ്യമങ്ങളില് വിവാദ പരാമര്ശം നടത്തിയ യുവാവ് അറസ്റ്റിൽ. മണ്ണാര്മല ഈസ്റ്റ് സ്വദേശി കൈപ്പള്ളി അന്ഷാദിനെയാണ് മേലാറ്റൂര് എസ് ഐ അറസ്റ്റ് ചെയ്തത്. അന്ഷാദ് മലബാറി എന്ന ഫേസ്ബുക്കിലൂടെയാണ് വിവാദ പരാമര്ശം നടത്തിയത്.
മറ്റൊരു പോസ്റ്റില് വന്ന കമന്റുകളുടെ ഭാഗമായാണ് ആരോഗ്യ വകുപ്പ് മന്ത്രിക്കെതിരെ ഇയാള് സഭ്യേതര പരാമര്ശം നടത്തിയിരുന്നത്. സംഭവം ശ്രദ്ധയില്പ്പെട്ടതോടെ പൊലീസ് സ്വമേധയാ കേസെടുക്കുകയായിരുന്നു.
സംഭവത്തില് രൂക്ഷ പ്രതികരണവുമായി നിരവധി പേര് ഇയാളുടെ ഫേസ്ബുക്ക് പേജില് എത്തിയതോടെ ഈ പോസ്റ്റ് നീക്കം ചെയ്തിട്ടുണ്ട്. കൂടാതെ സംഭവത്തില് മാപ്പ് അപേക്ഷിച്ച് കൊണ്ട് പുതിയൊരു കുറിപ്പും ഇയാള് ശനിയാഴ്ച്ച ഉച്ചയോടെ പോസ്റ്റ് ചെയ്തിരുന്നു.
Discussion about this post