ഡല്‍ഹി: രാജ്യത്തിന്റെ വളര്‍ച്ചയില്‍ നിര്‍ണായകമാകുമായിരുന്ന ചരക്ക് സേവന നികുതി പാസാക്കാനുള്ള പാര്‍ലമെന്റിന്റെ അവസാന നിമിഷങ്ങളിലുള്ള ശ്രമവും പരാജയപ്പെട്ടു. രാജ്യസഭയില്‍ ഇന്ന് നടന്ന പത്ത് കാര്യങ്ങള്‍
1.രാജ്യസഭയില്‍ മുദ്രാവാക്യങ്ങളുമായി കോണ്‍ഗ്രസ് നടുത്തളത്തിലിറങ്ങിയതോടെ സഭ സമ്മേളനം രാജ്യസഭ അധ്യക്ഷന്‍ നിര്‍ത്തിവച്ചു. വര്‍ഷകാലസമ്മേളനത്തിന്റെ അവസാനദിനമായ വ്യാഴാഴ്ച രാവിലെ സഭാ നടപടികള്‍ പുനരാരംഭിക്കും
2. വര്‍ഷകാല സമ്മേളനത്തില്‍ പ്രതിപക്ഷ പ്രതിഷേധത്തിനിടയിലും ചരക്ക് സേവന നികുതി ബില്‍ രാജ്യസഭയില്‍ അവതരിപ്പിക്കാന്‍ കഴിഞ്ഞു.
3. ഈ സമ്മേളനത്തില്‍ ബില്‍ പാസാക്കുന്നത് പരാജയമായിരുന്നതിനാല്‍ സര്‍ക്കാര്‍ നിശ്ചയിച്ച സമയപരിധിയില്‍ ചരക്ക് സേവന നികുതി ബില്‍ കൊണ്ടുവരാന്‍ സര്‍ക്കാരിനായില്ല. ജിഎസ്ടി ബില്‍ അടുത്ത ഏപ്രില്‍ മുതല്‍ പ്രാബല്യത്തില്‍ കൊണ്ടുവരാനായിരുന്നു സര്‍ക്കാര്‍ നീക്കം.
4. ഭരണഘടനാ ഭേദഗതിയായതിനാല്‍ പാര്‍ലമെന്റ് നിയമം പാസാക്കി പകുതിയില്‍ കൂടുതല്‍ സംസ്ഥാന നിയമസഭകളുടെ അംഗീകാരം നേടണം.
5. നിരവധി തവണ സഭ നിര്‍ത്തിവെക്കേണ്ടി വന്നതിനാല്‍ ജനാധിപത്യത്തിലെ ഒരു ദു:ഖ ദിനമാണ് ഇന്ന് എന്ന് രാജ്യസഭാ ഡെപ്യൂട്ടി ചെര്‍മാന്‍ പിജെ കുര്യന്‍ പറഞ്ഞു.
6. മുതിര്‍ന്ന 3 ബിജെപി നേതാക്കള്‍ രാജിവയ്ക്കുന്നതുവരെ പാര്‍ലെമന്റ് നടപടികള്‍ തടസ്സപെടുത്തുമെന്നും പ്രതിഷേധം തുടരുമെന്നും ഉള്ള നിലപാടിലാണ് കോണ്‍ഗ്രസ്
7. ബില്‍ തടസ്സപ്പെടുത്തുക വഴി രാജ്യത്തിന്റെ സാമ്പത്തിക വളര്‍ച്ചയെ കോണ്‍ഗ്രസ് തടസ്സപെടുത്തുകയാണെന്ന് സര്‍ക്കാര്‍ ആരോപിച്ചു.
8. രാഷ്ട്രീയ ആരോപണങ്ങള്‍ നിരത്തി കോണ്‍ഗ്രസ് ജിഎസ്ടി ബില്‍ ഇല്ലാതാക്കാന്‍ ശ്രമിക്കുകയാണെന്നാണ് ഭരണപക്ഷത്തിന്റെ ആരോപണം. വര്‍ഷകാല സമ്മേളനം പരാജയപ്പെടുത്തുന്നതില്‍ കോണ്‍ഗ്രസിന്റെ പങ്ക് വളരെ വലുതെന്നൂും ആരോപണം.
9. രാജ്യസഭയില്‍ ഭരണപക്ഷത്തിന്റെ അംഗബലം കുറവായതിനാല്‍ ബില്‍ പാസാക്കുന്നതിന് പ്രതിപക്ഷ പാര്‍ട്ടികളുടെ പിന്തുണ അനിവാര്യമാണ്.
10. ലോക്‌സഭ പാസാക്കിയാല്‍ ചരക്കു സേവന നികുതി ബില്‍ രാജ്യസഭയില്‍ പാസാക്കണം. രാജ്യസഭയില്‍ അവതരിപ്പിച്ചതിനുശേഷം വീണ്ടും ലോക്‌സഭയുടെ അംഗീകാരത്തിനായി അയക്കണം.
Discussion about this post