കൊച്ചി: കൊറോണ രോഗ വ്യാപനം തടയുന്നതിന്റെ ഭാഗമായി മാർച്ച് 22 ഞായറാഴ്ച ജനതാ കർഫ്യൂ ആചരിക്കണമെന്ന പ്രധാനമന്ത്രി നരേന്ദ്രമോദിയുടെ ആഹ്വാനമനുസരിച്ച് ശാഖാ കാര്യക്രമങ്ങൾ ക്രമീകരിക്കണമെന്ന് നിർദ്ദേശവുമായി ആർ.എസ്.എസ് സർകാര്യവാഹ് സുരേഷ് ജോഷി. ശാഖാ സമയം ഞായറാഴ്ച രാവിലെ 6.30 ന് മുൻപോ രാത്രി 9.00 ന് ശേഷമോ പ്രാർത്ഥന മാത്രമായി ക്രമീകരിക്കണമെന്ന് അദ്ദേഹം പറഞ്ഞു.
കൊറോണ രോഗവ്യാപനം തടയുന്നതിന് കേന്ദ്ര സംസ്ഥാന സർക്കാരുകളുമായി ബന്ധപെട്ട് നിർദ്ദേശങ്ങൾ കർശനമായി പാലിക്കാനും സാമൂഹ്യ അകലം എന്ന പ്രതിരോധരീതി അവലംബിക്കാനും സ്വയം സേവകർ തയാറാകണം. ജനങ്ങളിൽ ആശങ്ക പടർത്താതെ അതേസമയം രോഗവ്യാപനം തടയാനുള്ള ബോധവൽക്കരണത്തിൽ സ്വയംസേവകർ മുൻകൈ എടുക്കണം. ക്ഷേത്ര ഉത്സവങ്ങൾ, മറ്റു പൊതുചടങ്ങുകൾ എന്നിവ നടത്തുമ്പോൾ സർക്കാർ നിർദ്ദേശങ്ങൾ പാലിക്കാൻ എല്ലാ സ്വയം സേവകരും പ്രത്യേകം ശ്രദ്ധിക്കണമെന്നും അദ്ദേഹം വ്യക്തമാക്കി.
ജനതാ കര്‍ഫ്യൂവുമായി എല്ലാവരും സഹകരിക്കണമെന്ന് ആർ എസ് എസ് പ്രാന്ത കാര്യവാഹ് പി.ഗോപാലൻകുട്ടി മാസ്റ്റർ പ്രസ്താവനയിൽ പറഞ്ഞു.
Discussion about this post