ലക്നൗ നഗരത്തിലെ വൻകിട ഹോട്ടലുകൾ മുഴുവൻ മെഡിക്കൽ വിദഗ്ധരെ താമസിപ്പിക്കാൻ തീരുമാനിച്ച് യോഗി സർക്കാർ.ഹയാത്ത്, ലെമൺ ട്രീ, പിക്കാഡില്ലി,മാരിയട്ടിന്റെ ഫെയർഫീൽഡ് മുതലായ കൂറ്റൻ പഞ്ചനക്ഷത്ര ഹോട്ടലുകൾ ആണ് പാരാമെഡിക്കൽ ജീവനക്കാരെ താമസിപ്പിക്കാനായി സർക്കാർ തിരഞ്ഞെടുത്തിരിക്കുന്നത്. കോവിഡ് രോഗികളുമായി നേരിട്ട് സമ്പർക്കം പുലർത്തുന്ന ഡോക്ടർമാരും നഴ്സുമാരും മറ്റു ജീവനക്കാർക്കും താമസിക്കാനും സമ്പൂർണ്ണ കരുതൽ ഉറപ്പുവരുത്താനുമാണ് സർക്കാരിന്റെ ഈ നടപടി.
ഏറ്റവും പ്രധാനപ്പെട്ട റാം മനോഹർ ലോഹ്യ ആശുപത്രിയിലെ ജീവനക്കാരെ ഫെയർഫീൽഡ് ഹോട്ടലിലാണ് താമസിപ്പിച്ചിരിക്കുന്നത്.അതേപോലെ, എസ്.ജി.പി.ജി.ഐ ജീവനക്കാരെ മുഴുവനും പിക്കാഡില്ലി, ലെമൺ ട്രീ,എന്നീ ഹോട്ടലുകളിലാണ് താമസിപ്പിക്കുക. ഭാവിയിൽ, ആവശ്യമെങ്കിൽ ഹോട്ടലുകൾ വിട്ടുതരണമെന്ന് ജില്ലാഭരണകൂടം മറ്റുള്ള പ്രധാനപ്പെട്ട ഹോട്ടൽ അധികൃതർക്കും നിർദ്ദേശം നൽകിയിട്ടുണ്ട്.
