മൊബൈൽ സേവന രംഗത്തെ ശക്തരായ റിലയൻസ് ജിയോയുടെ 9.9 ശതമാനം ഓഹരി സ്വന്തമാക്കി കോർപ്പറേറ്റ് ഭീമനായ ഫേസ്ബുക്ക്.5.7 ബില്യൻ ഡോളറിന് ഈ ഇടപാട്, ജിയോയുടെ ഏറ്റവും വലിയ മൈനോറിറ്റി ഓഹരിയുടമയാക്കി ഫേസ്ബുക്കിനെ മാറ്റി. ഏകദേശം 43,574 കോടി രൂപയുടേതാണ് ഈ ഇടപാട്.റിലയൻസ് കമ്പനിയുടെ ഇ-കൊമേഴ്സ് സംരംഭമായ ജിയോമാർട്ടുമായി സഹകരണമുറപ്പു വരുത്തുമെന്ന് ഫേസ്ബുക്ക് വ്യക്തമാക്കി.
ചെറുകിട സംരംഭങ്ങളുമായി ബന്ധപ്പെടാൻ ഉപഭോക്താക്കളെ പ്രാപ്തരാക്കാൻ വേണ്ടിയാണിത്.ഫെയ്സ്ബുക്ക് ഉടമസ്ഥത വഹിക്കുന്ന വാട്സ്ആപ്പ് ഇന്ത്യയിൽ ഡിജിറ്റൽ പേയ്മെന്റ് സേവനം ലഭ്യമാക്കുന്നതിന് അനുമതി തേടിയിരിക്കുന്ന സമയത്താണ് ഈ കരാർ നടപ്പിലാക്കുന്നത്.ഇന്ത്യയിലെ ഏറ്റവും വലിയ മെസ്സേജിങ് സേവനമായ വാട്ട്സ്ആപ്പിന് 400 ദശലക്ഷം ഉപഭോക്താക്കളുണ്ട്.
Discussion about this post