പാകിസ്ഥാനിലെ സിന്ധ് തീരങ്ങൾ കേന്ദ്രീകരിച്ച് പ്രവർത്തിക്കുന്ന കള്ളക്കടത്തുകാരെയും അധോലോകത്തെയും ഉപയോഗിച്ച് പാകിസ്ഥാൻ ഇന്ത്യൻ തീരങ്ങളിൽ അട്ടിമറി പ്രവർത്തനത്തിന് പദ്ധതിയിടുന്നതായി ഇന്റലിജൻസ് റിപ്പോർട്ട്.മാലിദ്വീപിലേയ്ക്കും ശ്രീലങ്കയിലേക്കുമുള്ള കള്ളക്കടത്തിന് പേരുകേട്ട ഈ മേഖല ഭീകര പ്രവർത്തകരുടെയും അധോലോകത്തിന്റെയും വിഹാരരംഗങ്ങളിലൊന്നാണ്. നിരവധി മയക്കുമരുന്നു വേട്ടകളാണ് സമീപകാലത്ത് കടലിന്റെ ഈ ഭാഗത്ത് നടന്നത്.
ഈ മേഖലയിൽ പ്രവർത്തിക്കുന്ന ചെറുസംഘങ്ങൾ ഉപയോഗിച്ച് ഇന്ത്യയുടെ തീരങ്ങളിൽ പാകിസ്ഥാൻ ആക്രമണം നടത്താൻ പദ്ധതിയിടുന്നതായാണ് ഇന്ത്യൻ രഹസ്യാന്വേഷണ വിഭാഗം മുന്നറിയിപ്പു നൽകുന്നത്.ഇക്കഴിഞ്ഞ പന്ത്രണ്ടാം തീയതി ഈ പ്രദേശത്തു വച്ച് ഇന്ത്യൻ മത്സ്യത്തൊഴിലാളികൾക്ക് നേരെ പാകിസ്ഥാൻ വെടിയുതിർത്തിരുന്നു. രഹസ്യാന്വേഷണ സംഘങ്ങളുടെ മുന്നറിയിപ്പിനെ തുടർന്ന് ഇന്ത്യൻ തീരങ്ങളിൽ കോസ്റ്റ് ഗാർഡ് കനത്ത ജാഗ്രത പുലർത്തുന്നുണ്ട്.
Discussion about this post